Casa consistorial de Santa Comba
Bisbarra, 13 de decembro do 2022 – A Xunta de Galicia ven de asignar 210.000 euros ao concello de Santa Comba para ampliar o número de prazas da escola infantil.
A conselleira de Política Social e Xuventude, Fabiola García, visitou este luns o centro que poderá ampliarse en 20 prazas a esta axuda. A escola infantil municipal de Santa Comba alcanzará así as 80 prazas, crecendo nun 25%.
A axuda forma parte do plan da Xunta de Galicia que creará 450 prazas máis en escolas infantís de toda Galicia. Os investimentos destinados a etapa de 0 a 3 anos chegarán a vinte concellos de toda Galicia.
A Conselleira destacou tamén o traballo das 95 casas niño que existen nos concellos que non contan con escola infantil. O impulso do rural , lembrou Fabiola García, conta ademais con 100 casas do maior nos lugares máis despoboados e co programa de Coidados porta a porta que leva servizos gratuítos de podoloxía, audioloxía e estimulación da memoria.
