займ срочно

Plan de limpeza fluvial de espazos relevantes en Santa Comba

0

Bisbarra, 13 de febreiro do 2024 – O concello de Santa Comba e Augas de Galicia colaboran na limpeza de espazos fluviais de especial relevancia para o concello.

Este plan de limpeza comezou nos meses de outubro e novembro pasado cando, desde o departamento de turismo de Santa Comba, elaborouse un proxecto de identificación de  espazos fluviais.

Tratábase de identificar aqueles lugares que precisaban dunha intervención de limpeza para previr inundacións e recuperar o bo curso  das canles dos ríos Xallas, García, Abuín e Guisande. O traballo de campo e o plan estratéxico plasmáronse nun documento que se remitiu ó servizo de Conservación do ente público Augas de Galicia, competente en materia de limpeza fluvial, coa correspondente solicitude de actuación durante o año 2024.

É a primeira vez que Santa Comba elabora un proxecto de este tipo. Os traballos terán unha continuidade e xa se traballa na identificación de zonas fluviais de especial sensibilidade ambiental, para a súa limpeza conservación e correcta xestión.

Nos pasados días, Augas de Galicia dou comezo ás actuacións na parroquia de Castriz. Os treitos elixidos pola súa especial sensibilidade e necesidade foron uns 17 km do río Xallas desde a Choupana, na parroquia de Castriz, ata a ponte de Tapia, con varios “puntos negros” onde as enchentes se fan perigosas como San Salvador, Randufe, A Xesteira,  A Cova e Esmorode. Outras contemplan algo máis de 800m no río García, na contorna da Fervenza de Rebordelos, e 2 treitos do río Abuín, un cerca do Tarroal e outro na zona de Fafia.

Con estas intervención estratéxicas o equipo de goberno pretende, en palabras do alcalde Alberto Romar “atender unha demanda histórica da veciñanza e garantir algo tan necesario como a correcta manutención e conservación dos nosos espazos naturais, tan necesarios para o correcto desenvolvemento das actividades da vida diaria e de lecer”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies