Casa consistorial de Santa Comba
Santa Comba, 13/03/2026 – O Concello de Santa Comba vén de sacar a licitación a obra de construción do futuro Centro de Día. A infraestrutura ten como obxectivo reforzar os servizos de atención ás persoas maiores e dependentes do municipio.
As empresas interesadas en participar neste proceso poderán presentar as súas ofertas ata o vindeiro 6 de abril de 2026, segundo se recolle na convocatoria publicada polo Concello de Santa Comba. O futuro centro de día conta cun orzamento máximo de licitación de 214.503,4 euros + IVE, financiado a través dos fondos do POS adicional 2025, e establece un prazo de execución das obras de nove meses desde a súa adxudicación.
Esta actuación suporá un novo paso na mellora dos servizos sociais de Santa Comba. O obxectivo é ofrecer máis recursos de apoio ás persoas maiores e ás súas familias, contribuíndo ademais a favorecer a súa permanencia no entorno habitual.
As empresas que desexen obter máis información sobre a licitación ou resolver calquera dúbida poden dirixirse á Alcaldía do Concello de Santa Comba. Esta iniciativa enmárcase na aposta do goberno municipal por seguir reforzando os servizos públicos e as infraestruturas sociais do concello, adaptándoas ás necesidades actuais da veciñanza.
