A Clásica Gandeira de Santa Comba disputarase o vindeiro 13 de abril e a proba de 10K cruzarña por varias explotacións gandeiras o que a fai única.
A Clásica Gandeira de Santa Comba chega a súa quinta edición crecendo cada ano e aumentado a súa fama de proba única. O percorrido é a bo seguro un dos argumentos para participar xa que non sempre se pode correr por explotacións gandeiras.
A concelleira Patricia Val dicía no 2024 “É unha carreira popular distinta e distintiva, que aos corredores gústalles precisamente por ofrecer uns retos e uns impulsos que non é habitual atopar”. Pero a anécdota non lle quita profesionalidade xa que forma parte do XI Circuíto de Carreiras da Deputación da Coruña e conta co respaldo de numerosas entidades e empresas locais que apostan polo deporte e a tradición.
A V Clásica Gandeira conta con tres categorías nas q ue destaca a proba de dez quilómetros, unha esixente carreira para os máis preparados. Unha versión máis curta de 3K e probas específicas para categorías escolares, fomentando o deporte entre os máis novos.
As inscricións xa están abertas a través da plataforma CCNorte https://tinyurl.com/2d9zew63 . Non perdas a oportunidade de participar nunha das carreiras máis especiais de Galicia.
