займ срочно

Preocupación pola autorización dun vertido á empresa mineira de San Finx

0

Bisbarra, 23 de febreiro do 2023 – BNG e Psoe preguntaron no pleno do Parlamento de Galicia pola autorización, por parte de Augas de Galicia, dun vertido da mina de San Finx sobre as rías de Muros e Noia.

A autorización permitirá o vertido de case que 900.000 metros cúbicos de augas da mina de San Finx ás rías. Nas preguntas ambos os dous grupos mostraron a súa oposición e insistiron en que se trata dunha autorización ilegal xa que non hai un plan de restauración nin un informe de impacto medioambiental.

A parlamentaria do BNG, Rosana Pérez Fernández, destacou que non existe un informe de impacto ambiental e que o tratamento esixido non foi eficaz durante a proba piloto. A nacionalista lembrou ademais que a empresa mineira nunca se someteu a informes de impacto ambiental pese a que o goberno bipartito dera tres meses para facelo

Pola súa banda Pablo Arangüena, parlamentario socialista, explicou que a autorización era ilegal segundo a normativa europea e que o vertido chegará a un espazo da rede natura, o estuario do Tambre, que debería estar protexido. Arangüena dixo que si os niveis de minerais perigosos están por debaixo do máximo permitido para o consumo humano, como asegura Augas de Galicia, que un día “se achegaran alí a bebela mentres eu miro como o fan”.

O Vicepresidente primeiro e Conselleiro de Economía, Industria e Innovación, Francisco Conde, comezou respondendo que estaban alí para responder os intereses xerais e polo tanto “tamén os da xente de ben”. A continuación explicou que o que se fará é instalar unha depuradora que será a que garante que as augas da mina serán vertidas unha vez tratadas.

A autorización vai permitir o vertido de 900.000 metros cúbicos de residuos da mina de San Finx, O que supón o 50 por cento máis da carga total do maior superpetroleiro da historia. Ditas augas serán vertidas sobre ríos que chegan ás rías de Muros e Noia, con bancos marisqueiros dos que dependen 1.500 mariscadores e que posúe espazo Rede Natura 2000, como o Esteiro do Tambre.

Share.

Comments are closed.