займ срочно

Reclaman unha nova ponte para Codesido, en Rois

0

Bisbarra, 1 de decembro do 2023 – A parlamentaria socialista Noa Díaz presentou unha iniciativa para reclamar, entre outras cuestións, unha nova ponte para o lugar de Codesido en Rois.

Outra das peticións realizadas ao goberno autonómico, tamén no concello de Rois, é a mellora urxente da estrada autonómica entre Padrón e Bertamiráns pola travesía do Sisto. Unha intervención que ten como obxectivo reforzar a seguridade viaria nunha estrada moi usada pola veciñanza da contorna.

O lugar de Codesido, na parroquia de Ribasar, é habitual que quede illado en canto o Sar aumenta o seu caudal. A responsable socialista reclámalle á Xunta que inclúa esta ponte nos proxectos de actuacións para a redución do risco de inundación na área fluvial río Ulla e río Sar de cara aos Orzamentos para 2024. Noa Díaz explicou que a Xunta ten publicada unha resolución dende decembro de 2022 para reducir o risco de inundación na área fluvial nos concellos de Valga e Padrón, deixando a Rois fora, e que ademais aínda non foi executada e volven ser incluídas nas contas de 2024.

Díaz tamén lle reclama á Xunta que asuma a mellora da seguridade viaria da estrada autonómica AC-300, que une Padrón, Brión e Bertamiráns, ao seu paso pola travesía do Sisto, na parroquia de Ribasar, no Concello de Rois. A responsable socialista reclamou a construción de beirarrúas, a mellora da sinalización e a instalación de pasos de peóns nunha estrada que rexistra o paso de todo tipo de vehículos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies