Bisbarra, 2 de novembro do 2022 – O Psoe de Rois solicitou no último pleno municipal a bonificación do IBI para as explotacións gandeiras do concello.
Os socialistas lembran que é a terceira vez que demandan a bonificación do IBI pola situación de vulnerabilidade na que se atopan as granxas. A petición foi rexeitada xa no 2017 e no 2019. Dadas as circunstancias actuais, explican, consideran necesario insistir en esta medida de axuda.
O Psoe engade que a medida sería unha axuda local ás explotacións agropecuarias e serviría tamén de apoio en situacións como a do gandeiro que recentemente perdeu nove vacas por unha intoxicación.
O grupo socialistas di que en calquera caso a bonificación proposta só sería aplicable mentres as explotacións cumpran os criterios ou bases especificas a incluír na ordenanza, e que deberían reflectir situacións económicas adversas ou de vulnerabilidade.
Os socialistas destacan que si se están pedindo desde o Partido Popular baixadas de impostos este é un xeito de facelo xa que a lei permite ata un 95% de bonificación do IBI. A moción socialista será presentada no pleno do vindeiro sete de novembro.
