займ срочно

O Nadal de Rois inclúe o I Trail Montes de Oleirón

0

Bisbarra, 30 de novembro do 2023 – O concello de Rois ven de presentar a programación de Nadal que, ademais de todas as actividade típicas de estas datas, incluirá o I Trail Montes de Oleirón.

O I Trail Montes de Oleirón celebrarase o día 7 de xaneiro como peche da programación de Nadal. A proba comezará as dez da mañá e a meta pecharase ás dúas da tarde. O percorrido transcorrerá por sendeiros, pistas forestais, pistas con pedras soltas e cortalumes. A rpoba ten unha distancia de 21 quilómetros.

Xunto ao Trail, que ten un carácter competitivo, celebrarase unha andaina cunha distancia de dez quilómetros. A saída será as dez e cuarto. Tanto o Trail como a Andaina terán a saída e a chegada no pavillón polideportivo dos Dices. Toda a información e as inscricións en este enlace.

Nadal en Rois

Rois prepara para este Nadal unha programación diversa dirixida a todos os públicos no que destaca como novidade o concurso Adorna Rois no Nadal, co que se convida a veciñanza e establecementos a decorar a vila nestas datas,

A primeira das actividades foi o concurso escolar de postais, certame aberto ao alumnado de primaria e secundaria do municipio do que sairá a tarxeta que o Concello mandará a toda a veciñanza como felicitación de Nadal.

A maiores, e por primeira vez, o Concello convoca un concurso co que busca implicar a comerciantes, hostalería, asociacións e veciñanza na decoración da vila durante estas festas. O prazo de inscrición estará aberto entre este venres día 1 e o 10 de decembro.

Volverá, por outro lado, o programa de conciliación DiverNadal. Coincidindo coas vacacións escolares, entre o 22 de decembro e o 4 de xaneiro, nenas e nenos de 3 anos en adiante disporán dun espazo de lecer e aprendizaxe entre as 7.30 a as 14.30 horas.

Tamén se celebrará un ano máis o concerto de Nadal da Escola Municipal de Música de Rois. A cita, no auditorio municipal, está fixada para o sábado 16 de decembro ás 18.00 horas.

Xa en xaneiro celebrarase a cabalgata dos Reis Magos e, ao igual que aconteceu nos últimos dous anos, as Súas Maxestades percorrerán ao longo do 5 de xaneiro as parroquias do municipio para saudar e agasallar a toda a cativada. Nenas e nenos terán entón a derradeira oportunidade para facerlle chegar a súas peticións, aínda que antes de rematar o cole, concretamente o xoves 21 de decembro, axudantes do Apalpador, Papá Noel e os Reis visitarán os centros escolares para recoller as súas cartas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies