Rois, 2 de febreiro do 2021 – O concello de Rois implementa dous números de telefono para realizar compras básicas ás persoas máis vulnerables.
Rois decidiu tomar máis medidas de prevención e axuda polo incremento de casos nas últimas semanas. As oficinas municipais atenden ademais con cita previa e prégase que se fagan todos os trámites posibles por vía telemática ou telefónica
Compras básicas
Rois préstase a facerlles compras básicas, coma alimentos e medicinas, a todas aquelas persoas residentes no municipio que non poidan saír da casa por ser poboación de risco, en caso de contaxio ou porque están cumprindo a corentena.
Para facer máis áxil o servizo habilitáronse os números de teléfono 981 804 109 e 689 223 509.
O Concello lembra que as persoas de idade avanzada e aquelas que sofren algunha patoloxía son o sector máis vulnerable ante o Coronavirus e por iso prégalles non saír das súas casas para non manter contacto con outras persoas.
Así mesmo, e coa fin de frear a propagación do virus, pídelle a toda a veciñanza que realice todos os trámites posibles empregando medios telemáticos ou telefónicos. As oficinas municipais prestarán atención presencial só con cita previa, que pode concertarse no número 981 804 109.
