Movendo os Marcos, 01/07/2026 – Movemos os marcos de Lindeiros para falar dun importante Congreso que se celebrará o vindeiro ano na Coruña. A sustentabilidade é a investigación que pode garantir un futuro mellor para Galicia e o mundo en xeral.
Os profesores e investigadores Ricardo García Mira e Cristina García Fontán, actuais coordinadores da Rede Internacional de Investigadores sobre Sustentabilidade da International Association for People-Environment Studies (IAPS), participarán no próximo Congreso Bienal de IAPS, que se celebrará na cidade de Guildford (Reino Unido).
Durante este importante encontro científico internacional, ambos os investigadores presentarán os seus máis recentes traballos de investigación no ámbito da sustentabilidade. A relación entre as persoas e o medio ambiente ou as transformacións sociais e territoriais necesarias para afrontar os retos do cambio global son a base dos traballos que presentarán.
Ademais da súa participación científica, García Mira e García Fontán desempeñarán un papel institucional destacado ao anunciar e defender a celebración do próximo encontro internacional da Rede de Sustentabilidade de IAPS, que terá lugar na Coruña e próximo 14-16 de xuño de 2027.
A cita reunirá a máis de 500 investigadores, profesionais e responsables de políticas públicas de distintos países para debater sobre os desafíos e oportunidades da transición cara a unha sociedade máis sustentable.
A elección da Coruña como sede do encontro de 2027 constitúe un recoñecemento ao traballo desenvolvido desde Galicia no ámbito da investigación sobre sustentabilidade e reforza o papel da cidade como espazo de referencia para o intercambio de coñecemento científico internacional.
O congreso de 2027 exponse como un foro interdisciplinar destinado a promover novas respostas aos desafíos contemporáneos relacionados coa sustentabilidade, favorecendo o diálogo entre as ciencias sociais, ambientais e territoriais, así como a colaboración entre investigadores, institucións e actores sociais.
A Rede Internacional de Investigadores sobre Sustentabilidade de IAPS constitúe un dos principais espazos de reflexión e cooperación científica sobre as relacións entre as persoas, as contornas e a sustentabilidade, impulsando investigacións orientadas a xerar coñecemento e solucións innovadoras para a construción de comunidades máis resilientes, inclusivas e sustentables.
A participación de García Mira e García Fontán en Guildford non só destacará os avances en sustentabilidade, senón que tamén situará á Coruña como sede crave do evento futuro, reafirmando o seu papel na investigación internacional sobre contornas sustentables.
