O concello da Estrada é o responsable este ano de organizar unha reunión que estase a converter nun clásico, a dos tres concellos que contan con lugares chamados Negreira.
A Estrada será o organizador do encontro de irmandade ao que acudirán Negreira e Santa Comba, os únicos de Galicia xunto coa Estrada que teñen algún “Negreira” no seu territorio.
O alcalde da Estrada, Gonzalo Louzao, convidou aos representantes municipais de Negreira e Santa Comba ao acto que terá lugar o sábado día 20, ás doce do mediodía na Negreira da Estrada, na parroquia de San Miguel de Barcala. No caso de al tempo celebraríase no local social.
A iniciativa xurdiu do escritor e historiador X. Amancio Liñares Giraut, que foi o que propuxo ao concello de Negreira levar a cabo, en setembro do 2024, un primeiro encontro.
En aquela reunión participou tamén o filólogo Fernando Cabeza Quiles. O experto aludiu ao falso xentilicio “nicrariense” xa que lembrou que no ano 1005 un monxe recreou a Traslatio desde Dugium, actual Fisterra, cos restos do Apóstolo Santiago, que pasaran pola localidade identificada como Portus Nicrariae pero non Nicraria.
