Touro, 19 de novembro do 2021 – O grupo socialista no concello de Touro ven de reclamar do goberno municipal que destine parte das achegas da Deputación a creación dun punto limpo.
Os socialistas explican que a veciñanza ven reclamando un servizo de recollida de voluminosos e un punto limpo. Engaden que o traballo do alcalde, Ignacio Codesido, está convertendo a Touro “nun concello de segunda pola falta de xestión dos recursos que chegan”.
“Entendemos que é unha instalación imprescindible para a boa sáude medioambiental do concello, evitando a creación de vertedoiros incontrolados e axudando aos veciños a desfacerse dos seus residuos de forma ordenada e limpa”, aseguran.
Para os socialistas de Touro falta vontade “Agora teñen o diñeiro, só falta a vontade do grupo do Partido Popular de levar a cabo a obra tan necesaria; precisamos políticas ambiciosas propias do ano no que vivimos, políticas con gañas de avanzar e non retroceder”-
