Para un núcleo como o do Milladoiro, en Ames, con máis de quince mil habitantes, a piscina descuberta e na época de verán máis unha necesidade que un luxo. Nos últimos anos tivo que pecharse varios días por distintos problemas técnicos e iso preocupa á veciñanza.
O explica o Partido Popular que di que a piscina “converteuse nunha demostración máis da incapacidade do goberno municipal para xestionar, planificar e manter en condicións unha infraestrutura que debería ser un dos sinais de identidade dun concello que debería mirar máis polos veciños da localidade máis importante do municipio”.
Que os arranxos de este tipo de infraestruturas fanse en inverno é de sentido común e por iso o Partido Popular de Ames levará a pleno unha proposta na que se solicita unha actuación “urxente e definitiva para solucionar de maneira estrutural os problemas de perdas de auga e as deficiencias técnicas da piscina descuberta do Milladoiro”
O obxectivo da proposta é “garantir que este en condicións óptimas antes do inicio da tempada de verán e non cando sexa tarde e se prive ós veciños dunha instalación cando máis falta fai”. Reclaman ademais un plan de actuación e que se reforce o mantemento da piscina ademais de establecer protocolos de control técnico periódico para evitar que se volvan producir peches en plena tempada estival.
O PP xustifica a proposta lembrando que “tanto no verán de 2024 como neste último de 2025 a piscina descuberta do Milladoiro viuse na obriga de pechar varios días precisamente cando máis se precisa desta instalación e no momento de máis afluencia. As causas hai que buscalas nas perdas de auga e problemas técnicos graves, que deixaron a centos de usuarios sen alternativa”. Para os populares “o peor é que desde o goberno municipal xa se anunciara anos atrás que o problema estaba resolto despois dun investimento de 80.000 euros. Pero quedou demostrado que foron cartos estragados xa que para nada se solucionaron as avarías, nunha clara demostración de mala xestión”.
