Compostela, 14 de marzo do 2019 – O Bloque Nacionalista Galego reclamará, no pleno de Compostela, medidas urxentes para mellorar a accesibilidade e a seguranza na zona de Lamas de Abade.
A concelleira do BNG de Santiago, e xa candidata a alcaldía nas eleccións de maio, explicou en rolda de prensa que en Lamas de Abade conviven ata 5 centros de formación aos que acoden 2.568 alumnos. O instituto de ensino secundario con 832 alumnos, Aspanaes con 48, Raiola con 113, o CIFP de Hostalería con 1.150 e o CEIP con 515 estudantes. Esta acumulación fai que en horas puntas xúntase ata 11 autobuses escolares ademais de furgonetas e coches particulares.
A veciñanza reclama desde hai tempo medidas de urxencia para mellorar a mobilidade e incrementar a seguranza viaria, cunha regulación de tráfico en horas punta por parte da Policía local e a adopción de aspectos técnicos para a pacificación de tráfico e aminoración da velocidade dos vehículos cun sistema de lombos ou luces de advertencia. Precisan tamén a adecuación dos horarios das liñas de transporte urbano, para que coincida cos horarios escolares, pois o último da mañá pasa ás 14:15 horas cando as aulas rematan ás 14:30 horas.
A comunidade educativa destaca diversos puntos críticos de risco de accidente e anchos de vía inferiores a 5 metros con dous carrís, con dificultades para o tránsito, así como falta de beirarrúas. Deste xeito é necesario un plan de estudo integral de mobilidade, explicou, e a creación dun aparcadoiro con prazas suficientes para estacionar os vehículos.
Faise necesario ademais dispor dunha reserva de prazas de aparcadoiro para discapacidade, que deberá ser maior no centro de Aspanaes.
About the Author
