Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Trazo

Querela criminal por prevaricación e falsidade en documento público contra o alcalde e a secretaria de Trazo

psoe-trazo-querela-slide-7-febreiro-2019_r

Table of Contents

Toggle
  • Trazo, 7 de febreiro do 2019 – O Psoe de Trazo amplía a denuncia contra o alcalde de Trazo e a secretaria e presenta unha querela criminal por prevaricación e falsidade en documento público.
    • Peticións ao Concello
    • O caso da grada do campo de fútbol

Trazo, 7 de febreiro do 2019 – O Psoe de Trazo amplía a denuncia contra o alcalde de Trazo e a secretaria e presenta unha querela criminal por prevaricación e falsidade en documento público.

A portavoz socialista, Beatriz Domínguez, e a secretaria de organización Paula Castiñeiras, presentaron nunha rolda de prensa os documentos que abalan a querela contra José Dafonte, alcalde, e María José Nartallo, secretaria. Esta denuncia  súmase ao procedemento xudicial aberto polo Xulgado de Ordes polos case 30.000 euros cobrados polo alcalde en dietas sen xustificar e de xeito presuntamente irregular entre os anos 2014 e 2017.

A documentación foi entregada xa no xulgado e que inclúe documentos de pago recortados e modificados, así como anotacións manuscritas sobre a elaboración do expediente para remitir ao xulgado, sobre a colocación dos selos e sobre os días nos que o alcalde estaba de vacacións e aínda así percibiu dietas. Na presentación amosaron o orixinais da documentación, nos que se aprecian con detalle os recortes e pegados de documentos para modificalos mediante fotocopias co obxecto de elaborar un expediente falso e inexistente previamente para aportar ao xulgado.

Beatriz Domínguez explicaba que o expediente de duascentas páxinas foi preparado ex profeso para levarllo a xuíz

https://lindeiros.net/wp-content/uploads/2019/02/beatriz-dominguez-psoe-trazo-expediente-falso-7-febreiro-2019.mp3

De todas as falsidades destaca o feito de que hai facturas do 2015 seladas cun cuño que o concello comprou no 2017

https://lindeiros.net/wp-content/uploads/2019/02/beatriz-dominguez-psoe-trazo-cunho-falso-7-febreiro-2019.mp3

Peticións ao Concello

Unha situación ante a que os socialistas de Trazo demandan do Xulgado de Ordes:

que ordene as dilixencias necesarias para comprobar a existencia deste expediente falso presentado e adopte as medidas cautelares precisas para identificar a aquelas persoas que durante o procedemento aparezan como coautoras, cómplices ou encubridoras destes presuntos delitos de falsidade documental e administración desleal do patrimonio público (malversación).

Que se remitan sendos oficios ao Concello de Trazo para que aporte certificación das datas reais nas que se produciron as reunións en organismos oficiais por parte do alcalde de Trazo, toda vez que o señor alcalde declarou no Xulgado que existen erros nas datas que constan no expediente.

Que se identifique á persoa encargada da fiscalización material das dietas percibidas polo alcalde e sexa citada a declarar como testemuña, toda vez que a secretaria – interventora do Concello de Trazo asegurou ante a xuíz que ela non se encargou da fiscalización material destas dietas. Unha afirmación que, en todo caso, supón un incumprimento das obrigas que ten atribuídas a secretaria – interventora polo RD 128/2018 de 16 de marzo, polo que se regula o réxime xurídico dos funcionarios da Administración Local con habilitación de carácter nacional; e que xa viñan atribuídas tamén no RD 1174/1987 de 18 de setembro.

O caso da grada do campo de fútbol

Non é a primeira vez que José Dafonte ten que pasar polos xulgados a dar explicacións sobre a súa xestión. No ano 2014 foi acusado de pagar as obras da grada do campo de fútbol antes de que se construíran.  A sentenza absolveu  ao alcalde das acusacións de falsidade documental aínda que consideraou probados todos os feitos. Segundo a documentación aportada en aquela ocasión a Deputación concedeu unha subvención de máis de 18.000 €, encargouse a obra a unha empresa, o concello enviou un escrito firmado polo alcalde facendo constar que as obras estaban rematadas cando aínda non comezaran e a xunta de goberno autorizou o pago dunha factura a empresa por máis de 26.000 € sen que as obras estiveran realizadas pero, dicía a sentenza, que non se podía demostrar en todos estes feitos un delito. A senteza dicía literalmente que “Así, se ha discutido si necesariamente tendría que saber el acusado que las obras no estaban realizadas, cual les parece obvio a las acusaciones por tratarse de un Ayuntamiento pequeño y ser más que posible la comprobación de un dato ostensible como la inexistencia de trabajos de cierta entidad en un campo de futbol, pero como resulta que el acusado negó conocer ese dato y varios testigos precisaron que esa posibilidad no puede descartarse, al menos debió constatarse cual era la exacta ubicación del lugar al menos con respecto al domicilio, lugares que frecuenta y lugar de trabajo de acusado, sobre todo porque una testigo aseguró de forma muy gráfica que el referido campo de futbol puede verse desde el despacho oficial del alcalde, cuestión que parece verosímil pero que no se ha contrastado”.

Post navigation

Previous: Día dos medios en Galego
Next: Brión abre o sexto ciclo “Venres Musicais” da ESMU Magariños

Máis novas

bisbarra vertido tordoia 17 setembro 2026
4 minutes read
  • Xeral

Mantense a preocupación polo vertido de Tordoia

O novo servizo de Trazo axudará ás persoas con demencia
2 minutes read
  • Trazo

Trazo contará con servizo de estimulación terapéutica

Casa consistorial de Trazo onde terá lugar o pleno de orzamentos
2 minutes read
  • Trazo

Trazo aproba os orzamentos 2026

trazo reforzo viano pequeno slide 10 decembro 2025
1 minute read
  • Trazo

Reforzo de atención especial no CPI Viaño Pequeño

trazo aaranxo estradas 6 novembro 2025 (1)
2 minutes read
  • Trazo

Melloras na seguridade viaria de Berreo en Trazo

trazo arranxos estrada 29 outubro 2025 (3)
2 minutes read
  • Trazo

Trazo acomete melloras viarias en Morlán

Casa consistorial de Trazo onde terá lugar o pleno de orzamentos
2 minutes read
  • Trazo

Trazo dotará dun  plan especial á residencia de maiores de Chaian

trazo biogas slide 18 setembro 2025
3 minutes read
  • Trazo

O proxecto da planta de biogas de Trazo chega ao pleno

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (835) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2705) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.