займ срочно

Queixas da ANPA San Mauro polo mal estado do CEIP de Barouta

0

Bisbarra, 20 de xaneiro do 2023 – A Asociación de nais e pais San Mauro ven de emitir un comunicado polo mal estado no que se atopa o CEIP de Barouta en Ames.

A ANPA de Barouta decidiu planificar accións de protesta “por considerar que non se están atendendo os reiterados avisos e peticións para facer os investimentos precisos para manter en bo estado a instalacións”.

Os pais poñen exemplos como o sucedido a pasada semana cando se detectaron pingueiras no interior dun aula e que levaron a descubrir un enchoupamento no baixo cuberta. Tamén explican que o tellado está tan deteriorado que hai filtracións por varios puntos e acumula auga que xa se filtra ata o andar onde os rapaces e rapaces atenden as aulas.

A ANPA di sobre as filtracións que se producen “logo de estarmos presentando repetidamente ao longo dos últimos anos solicitudes expresas, demandando que se atenda a varios puntos que son de necesidade, e que non foron atendidas, nin respondidas”.

A San Mauro de Barouta está convocando ás familias a concentrarse hoxe as dúas e media da tarde na porta principal da escola. Queren esixir publicamente “que se atenda a esta situación, que está a afectar á seguridade e integridade do alumnado durante o seu tempo na escola”.

Engaden que “ o último escrito que presentamos á Consellería de Educación reflicte as prioridades que consideramos que necesitan intervención urxente, e que continúan pendentes de recibir algunha resposta”.

No escrito describen a situación de moitas das partes do colexio e piden intervencións na zona do patio, que se revisen as árbores xa que unha chegou a caer sobre o areeiro e que se faga unha remodelación xeral dos servizos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies