Compostela, 15/07/2026 – As festas do Apóstolo comezarán o vindeiro día 22 e rematarán o 31. Unha programación de concertos, pasarrúas, xogos, atraccións, fogos de artificio e festa, moita festa.
Un dos clásicos das Festas do Apóstolo é a crítica aos concertos. Da igual o ano, o goberno municipal, o artista… sempre hai algunha crítica porque nunca chove a gusto de todos, por moito que en Compostela a chuvia sexa arte.
Imos intentar poñer en contexto a algúns dos artistas para que non pase o do ano que veu Rosalía, que todo o mundo preguntaba quen era e ao final está onde está e aquí a desfrutamos antes que os demais.
O cartel
É moi subxectivo o que imos dicir pero o cartel das Festas do Apóstolo posiblemente sexa dos máis bonitos dos últimos anos. A ilustradora compostelá Iria Aldegunde é a autora e quixo render homenaxe, así llo pediron desde o goberno municipal, a Camilo Díaz Baliño.
A concelleira de Festas, Pilar Lueiro, lembrou que este verán se compren 90 anos do asasinato de Díaz Valiño, así coma o de Lorca ou Ánxel Casal, entre as vítimas do golpe militar do 36. Nese tempo, Díaz Baliño levaba dez anos sendo o autor dos carteis das festas compostelás.
Iria Aldegunde recorreu ás palabras de Vicente Risco para aludir aos catro elementos que configuran a composición na obra de Díaz Baliño: o casamento do Ideal coa Tradición, da Esperanza coa Lembranza. Neste caso a Tradición atópase na Catedral, púrpura como o traxe dos cardeais e que reflicte a fe, a paz e a liberdade; a cor verde da Esperanza está na noria, un dos elementos máis icónicos das festas compostelás, que representa a alegría precisa para seguir adiante; e a Lembranza, na figura feminina central, inspirada no icónico cartel de Díaz Baliño en prol do Estatuto de Galicia.
A programación
A dicir da concelleira de festas a programación ofrece calidade e diversidade cultural nunha proposta diversa e inclusiva que conxuga cultura local con manifestacións artísticas chegadas doutras latitudes.
Entre o 22 e o 31 de xullo, pasarán polo escenario da Quintana, entre outros, a Real Filharmonía, Julian Marley, Belem Tajes, Lila Downs, La Perra Blanco, o mellor do flamenco, Bewis de la Rosa, Eris Mackensie, Shego e The Rapants.
As atraccións estarán na Alameda entre o 19 de xullo e o 2 de agosto con tres días de horario inclusivo sen ruído para que poidan ser accesibles a todas as persoas. A Festa Pícara será nesta ocasión no parque de Galeras o xoves 23.
Queda no misterio quen será o pregoeiro, (os rumores sobre si terá tempo para chegar o día 22 apuntarían a certo futbolista compostelán que atópase nos Estados Unidos de viaxe pero son todo meras especulacións… ou non.)
Finalmente non será Borja Iglesias pese a que era unha das opcións, tal e como adelantamos, os tempos non dan para que chegue, pero seguro que en vindeiras edicións será un dos candidatos.
Os artistas
Dependendo dos gustos de cada quen o cabeza de cartel das Festas do Apóstolo pode ser un, unha, uns… comecemos por alguén cun apelido que non engana. Julian Marley e fillo de Bob Marley e Lucy Pounder. Aínda que creceu ao marxe do núcleo familiar máis estable do seu pai, co paos dos anos comezou a relacionarse cos seus irmáns chegando a montar unha banda e mantendo boas relacións e colaborando en proxecto cruzados de varios deles.
Con seis discos publicado e dúas nominacións aos Grammy, saca no 2023 “Colors of royal”. Un disco que mantén os ritmos reggae aínda que avanza nunha música moito máis complexa na que atopar trazas de rock ou música electrónica.
A seguinte artista é máis cunha cantante, é unha activista e unha representa da América Latina máis combativa. Lila Downs é, ademais de antropóloga, unha das figuras máis relevantes da múxia mexicana. Con varias nominacións aos Grammy é tamén unha referencia na loita social, defensora dos pobos indíxenas e en campañas medio ambientais.
Downs v de protagonizar un dos grandes momentos da inauguración do Mundial de Fútbol 2023 en Máxico, interpretando o tema “One Heartbeat” e vestindo o huipil tradicional de Chiapas
La Perra Blanco é puro rockabilly e pura rebeldía. Leva anos xirando e publicando discos e hai pouco recoñecía estar un pouco sorprendida por ser telonera en menos dunha semana de Canela e de ZZ TOP, un récord difícil de superar.
Ten cinco discos publicados, o último “Lovers & Fears” este mesmo ano. Soul, rhythm & blues, rock, ou rockabilly e unha parte do que podemos atopar en concertos que non deixan indiferente.
Seguimos con Shego, unha banda musical española de indie rock formada en 2020. Os seus compoñentes son: Irene Garry (voz e guitarra), Raquel Cerro (voz e guitarra), Charlotte Augusteijn (baixo) e Elena Sabio (batería). O nome do grupo, Shego, rende homenaxe á carismática vilá da serie de animación Kim Possible.
Detrás da gravación do seu primeiro disco está o galego Carlangas, que recibiu as súas maquetas e apostou por elas abríndolle as portas de Ernie Records. Dous discos e un EP, distintas nominacións e premios como o de “mellora gravación de rock no 2024”.
Case rematamos con Carlos Eirís, coñecido artísticamente como Eris MacKenzie, é un produtor, compositor e cantante galego que mistura a electrónica con sons da tradición musical galega. Mediante a integración de elementos de electrónica -minimal, techno, hardstyle, etc- con ritmos tradicionais, alalás e outras músicas, o artista narra as súas experiencias persoais, con crueza e sensibilidade.
Tras a publicación do álbum “Meu Ceu” (2025), singles, versións de clásicos da música galega e estatal, e colaboracións con De Ninghures, C Mirazo ou Pauliña, Eris MacKenzie, sorprende coa súa visión de temas que foron éxito décadas atrás, semella unha mestura de Rodrigo Cuevas e Ortiga.
Dicimos que case rematamos porque de The Rapants non hai moito que dicir despois de que encheran o Multiusos de Sar e converteran nunha discoteca. De Muros, cunha forza que crece en cada disco e dispostos a liala na Quintana o día 31, pouco máis que dicir.
Moito máis
As Festas do Apóstolo terán como sempre o Trad Fest, as Xornadas de Folclore, os Fogos do 24 e o 31, o videomapping no Obradoiro, O Día do Traxe, as orquestras na Alameda, cinema ao aire libre no rural e no parque do Restollal, a Real Filharmonía de Galicia ou os concertos do programa Peregrinos Musicais.
Como en anos anteriores haberá un Punto lila na Alameda do 22 ao 31 de xullo de 20.00 a 1.00 horas e tres días de atraccións sen ruído: de 17 a 19 horas os días 21, 28 e 29.
Hai variedade e diversidade que fai que calquera pode atopar cousas que lle gusten. Dentro de pouco estará publicado o programa completo por días e horas pero o básico o tedes a continuación.
MÉRCORES 22 xullo
20 H CONCERTO REAL FILHARMONÍA DE GALICIA
Baldur Brönnimann, director
Lada Bockova, soprano
PRAZA DA QUINTANA
21.30 H PREGÓN desde o balcón do Pazo de Raxoi
PRAZA DO OBRADOIRO
XOVES 23 xullo
10 H – 12 H ALBORADA a cargo dos Muiñeiros do Sarela
DO AVÍO DE ARRIBA Á PRAZA DE VIGO
12 H MOSTRA DE DANZA URBANA AVD 173 – ESTUDIO DE DANZA URBANA
PRAZA DA QUINTANA
21 H CONCERTO JULIAN MARLEY
PRAZA DA QUINTANA
22 H ORQUESTRA FINISTERRE
ALAMEDA
FESTA PÍCARA
17.30 H Apertura de xogos e obradoiros
18 H Concerto de Uxía Lambona e a Banda Molona
19.30 H Concerto de Gramola Gominola
21 H Fin de festa con peche de xogos e obradoiros
PARQUE DE GALERAS
VENRES 24 xullo
10 H – 12 H ALBORADA a cargo da A.C. Pana Raiada
DA PONTEPEDRIÑA A SAN FIZ DE SOLOVIO
ENCONTRO DE XIGANTES E CABEZUDOS
12 H Praza da Quintana
12.30 H Praza do Toural
21 H CONCERTO BELEM TAJES LILA DOWNS
PRAZA DA QUINTANA
22 H ORQUESTRA COMPOSTELA
ALAMEDA
23.30 H ESPECTÁCULO PIROTÉCNICO
ALAMEDA
CIDADE DA CULTURA
PARQUE CARLOMAGNO
00 H, 00.15 H, 00.30 H, 00.45 H, 01 H, 01.15 H,
01.30 H, 01.45 H E 02 H
VIDEOMAPPING
PRAZA DO OBRADOIRO
SÁBADO 25 xullo. DÍA DO APÓSTOLO
12 H COMPARSA DE CABEZUDOS
TEATRO PRINCIPAL
Percorrido: rúa Nova, praza das Praterías, Fonseca,
rúa do Franco, praza do Toural, rúa Nova, Caldeirería,
Praza de Abastos, praza de Cervantes, Santo Agostiño,
rúa Travesa, Casas Reais, Preguntoiro, Fonte Sequelo e
rúa Nova
21 H XORNADAS DE FOLCLORE GALEGO
A. F. CANTIGAS E AGARIMOS
A. F. COLEXIATA DE SAR
G.B.M.T. BRINCADEIRA
O.C.T. ULTREIA
PRAZA DA QUINTANA
22 H ACTUACIÓN TANIA VEIRAS E OS CUMBIAPOP
ALAMEDA
23 H, 23.15 H, 23.30 H, 23.45 H, 00 H, 00.15 H,
00.30 H, 00.45 H E 01 H
VIDEOMAPPING
PRAZA DO OBRADOIRO
DOMINGO 26 xullo
TRADFEST
RUADAS durante toda a xornada con
Trópico de grelos e Os enxebres de San Lázaro.
Horarios definitivos en www.folque.com
12 H CONCERTO BMSC HORIZONTE TRADI
BANDA MUNICIPAL DE MÚSICA DE SANTIAGO DE COMPOSTELA
David Fiuza, director
María López, gaita e zanfona
Nuno Estévez, acordeón
Ernesto Martínez, voz e frauta
Pedro Lamas, arranxos
PRAZA DA QUINTANA
12.30 H ANA ALCAIDE A maxia dos instrumentos antigos
IGREXA DA UNIVERSIDADE
13.30 H MARTIN BRUHN presenta “FOLCLORE”
PRAZA DE MAZARELOS
16 H VOX STELLAE
IGREXA DA UNIVERSIDADE
17 H FERRINHAS BRAVAS
17.45 H FAISCAS DA PONTRAGA
18.45 H OS DA PORFÍA
PRAZA DE MAZARELOS
19.45 H O GAJO
IGREXA DA UNIVERSIDADE
20.30 H ALAN MACDONALD & CHICK MACAULEY + FRIENDS
PRAZA DE MAZARELOS
CONCERTO
22 H FELISA SEGADE
23 H X.M.BUDIÑO
PRAZA DA QUINTANA
DÍA DO TRAXE
11.45 H Desfile de traxes tradicionais
Percorrido: Alameda, rúa do Vilar, praza das
Praterías, rúa da Conga, Preguntoiro, praza
de Cervantes e Acibechería.
13 H Misa en SAN PAIO DE ANTEALTARES.
14 H Recepción na CASA DO CONCELLO.
16 H Concentración de participantes no certame de traxes na hospedería de SAN
MARTIÑO PINARIO.
19.15 H Desfile de traxes tradicionais dende SAN MARTIÑO PINARIO ata a PRAZA DA QUINTANA.
19.45 H Exhibición, concurso de traxes e entrega de diplomas.
23 H, 23.15 H, 23.30 H, 23.45 H, 00 H, 00.15 H,
00.30 H, 00.45 H E 01 H
VIDEOMAPPING
PRAZA DO OBRADOIRO
LUNS 27 xullo
13 H DÍA DE PADRÓN EN SANTIAGO
BANDAS MUNICIPAIS DE MÚSICA DE PADRÓN E SANTIAGO
PRAZA DO OBRADOIRO
2O H COMPOSTELA CINEMA
FLOW Dirección: Gints Zilbalodis
PRAZA DA LAVACOLLA
2O H CONCERTO PEREGRINOS MUSICAIS
HORIZONTES ATLÁNTICOS
Jean Johnson, clarinete (Escocia)
Ilona Timchenko, piano (España)
TEATRO PRINCIPAL
21 H CONCERTO LA PERRA BLANCO
PRAZA DA QUINTANA
22 H COMPOSTELA CINEMA
SIRÂT Dirección: Óliver Laxe
PRAZA DA LAVACOLLA
MARTES 28 xullo
10 H – 12 H ALBORADA a cargo da A.C. O Castro de Figueiras
DE SALGUEIRIÑOS Á PRAZA DO 8 DE MARZO
17 A 20 H XADREZ AO AIRE LIBRE
Partidas amistosas, lentas ou rápidas, de todos os
niveis e idades.
Inscrición gratuíta na zona de xogo.
ALAMEDA
20 H COMPOSTELA CINEMA
WALLACE Y GROMIT: LA VENGANZA
SE SIRVE CON PLUMAS
Dirección: Nick Park e Merlin Crossingham
PRAZA DA VECIÑANZA DA GRACIA
2O H CONCERTO PEREGRINOS MUSICAIS
SÉCULOS DO VIOLÍN
Serguei Milstein, violín (Francia)
Alexander Arutjunian, violín (Portugal)
PRAZA DE SAN MARTIÑO PINARIO
21 H CONCERTO FESTA XITANA GALEGA
A TARARA
PRAZA DA QUINTANA
22 H COMPOSTELA CINEMA
SAN SIMÓN
Dirección: Miguel Ángel Delgado
PRAZA DA VECIÑANZA DA GRACIA
MÉRCORES 29 xullo
10 H – 12 H ALBORADA a cargo da A.V. As Brañas de Andrés
DAS FONTIÑAS Á PRAZA DA INMACULADA
17 A 20 H XADREZ AO AIRE LIBRE
Partidas amistosas, lentas ou rápidas, de todos os
niveis e idades.
Inscrición gratuíta na zona de xogo.
ALAMEDA
22 H COMPOSTELA CINEMA
A GALIÑA TURULECA
Dirección: Eduardo Gondell e Víctor Monigote
EXTERIOR DO CENTRO CULTURAL DE BERDÍA
2O H CONCERTO PEREGRINOS MUSICAIS
MAPAS MUSICAIS
Marco Rinaudo, piano (Italia)
Stefano Visintainer, piano (Italia)
TEATRO PRINCIPAL
21 H CONCERTO BEWIS DE LA ROSA ERIS MACKENZIE
PRAZA DA QUINTANA
22 H COMPOSTELA CINEMA
ROMERÍA
Dirección: Carla Simón
EXTERIOR DO CENTRO SOCIOCULTURAL DE BERDÍA
XOVES 30 xullo
10 H – 12 H ALBORADA a cargo da A.C. Pena Maior de Marrozos
DE CONXO Á PRAZA DE FONSECA
17 A 20 H XADREZ AO AIRE LIBRE
Partidas amistosas, lentas ou rápidas, de todos os
niveis e idades.
Inscrición gratuíta na zona de xogo.
ALAMEDA
20 H COMPOSTELA CINEMA
NOCTURNA
Dirección: Adrià García e Víctor Maldonado
PARQUE EUGENIO GRANELL
21 H CONCERTO SHEGO
PRAZA DA QUINTANA
22 H ORQUESTRA COSTA DORADA
ALAMEDA
22 H COMPOSTELA CINEMA
RONDALLAS
Dirección: Daniel Sánchez Arévalo
PARQUE EUGENIO GRANELL
VENRES 31 xullo
10 H – 12 H ALBORADA a cargo da A.C. Grupo Novo Río Sarela
DE VISTA ALEGRE Á ALAMEDA
21 H CANTOS DE TABERNA
XIRANDAINA
SAN LÁZARO
OS ESTALOTES
RÚA DE SAN PEDRO
22 H CONCERTO THE RAPANTS
PRAZA DA QUINTANA
22 H ORQUESTRA SUAVECITO
ALAMEDA
23.30 H ESPECTÁCULO PIROTÉCNICO DE FIN DE FESTA
ALAMEDA
