Padrón, 26 de maio do 2021 – Os traballadores do concello de Padrón comezan as protestas pola situación laboral na que se atopa o colectivo.
O Comité de Empresa ven de convocar unha concentración, diante do concello de Padrón, para este xoves as sete e media da tarde. O lema da convocatoria é “salarios dignos xa”.
A convocatoria está apoiada polos sindicatos UXT, CCOO e CIG. A mobilización era unhas medidas de presión previstas polos traballadores ante a actitude do concello de Padrón.
No pasado mes de abril José Camino, responsable comarcal da CIG, explicaba a Lindeiros que se presentaran máis de 80 denuncias de traballadores para reclamar dereitos económicos. Camino acusaba ao concello de “mala fe” xa que existían casos nos que tras recoñecer a antigüidade dun traballador e aboala ao ano seguinte desaparecía da nómina.
Os representantes sindicais poñén tamén o acento na situación xeral do concello de Padrón no que se refire á plantilla. O persoal laboral, traballadores con dereitos adquiridos pero que non son funcionarios, existe en todos os municipios pero na capital do Sar o número é moi superior ao resto.
