Compostela, 17/06/2026 . Polo momento non hai máis que un retraso, anunciado hai uns días pola empresa concesionaria do Servizo de Axuda No Fogar (SAF), no pago da extra de xullo. Este pago tiña que efectuarse este luns día 15 pero polo momento no hai data para ela.
Os traballadores do SAF comezaron a mirar de esguello aos dos centros socioculturais que estiveron meses sen cobrar. As dúbidas foron dabondo para reunirse co concello e a empresa pero as razóns non foron acompañadas de documentación.
En este caso non se pode achacar ao concello o retraso, como sucedía cos centros socioculturais. Todas as facturas da empresa concesionaria do SAF, Siad24, están pagadas excepto a de maio que presentouse aínda o dez de xuño.
A empresa fala dunha imposibilidade material de pagar a extra e asegura que busca solucións, mesmo pagos parciais. Ante a petición de concello e representantes dos empregados de documentación que xustifique o retraso a empresa polo momento no aporta nada.
A concesión xa rematou e o contrato foi prorrogado por cinco meses mentres se produce a nova licitación. Desde o concello aseguran que esa nova licitación iniciarase este mesmo ano.
