Ames, 17/06/2026 – A Telleira acolle en Bertamiráns as prácticas deportivas da veciñanza. A actual concesión outorgada polo goberno de Ames data do ano 2006.En este tempo o servizo contou con catro prórrogas e a última rematará en setembro.
O Partido Popular de Ames presentará unha moción para no seguinte Pleno na que insta ao goberno local a adoptar de maneira inmediata as medidas necesarias para garantir a continuidade do servizo deportivo que se presta nas instalacións municipais da Telleira.
Non se trata só de manter o servizo xa que tamén afecta aos traballadores vinculados a estas instalacións. O PP lembra que o goberno ten que adoptar unha solución que garanta a continuidade do servizo mentres se tramita unha nova concesión.
Os populares explican que “a Telleira leva preto de dúas décadas prestando servizo á veciñanza, converténdose nunha infraestrutura deportiva de referencia e desempeñando un papel fundamental na práctica deportiva, na conciliación familiar e na vida social de centos de persoas”.
Advirten tamén que “a preparación da futura concesión require a elaboración de informes técnicos, económicos e administrativos complexos, así como a redacción dos pregos e a tramitación dos procedementos de contratación correspondentes”.
“O importante é que os usuarios teñan a certeza de que o servizo non se vai interromper nin un só día”, sinalan desde a formación popular. “A poucos meses do remate da actual prórroga, é necesario ofrecer garantías e planificar con responsabilidade a transición cara ao futuro modelo de xestión”.
A moción presentada solicita ao goberno municipal que inicie de inmediato os trámites necesarios para licitar un contrato ponte específico e temporal, ou adoptar a fórmula legal máis axeitada, que permita asegurar a continuidade do servizo deportivo da Telleira ata a resolución definitiva da futura concesión.
Tamén reclamarán no pleno que se promovan espazos de diálogo e participación cos usuarios, entidades afectadas e traballadores vinculados ao servizo para informar sobre a evolución do proceso e o futuro modelo deportivo municipal.
