Compostela, 16 de febreiro do 2022 – A Praza de Abastos de Santiago presentou a campaña “Bótalle sal ao Entroido” que conleva unha serie de actividades dedicadas a esta festa.
Na aula gastronómica do Mercado de Abastos estiveron para a presentación o Secretario Xeral de Política Lingüística, Valentín García, e a xerente do mercado, Marta Rey. Na mesma presentación contaron con Cigarróns de Verín e Xenerais da Ulla, dous dos máis coñecidos traxes tradicionais destas datas.
As actividades serán tanto presenciais como nas redes sociais con sorteos para os participantes de diverso tipo: Un photocall na praza para celebrar cos seus clientes e amigos o entroido.
Sorteos na praza
Tamén se celebrarán dous sorteos do 17 de febreiro ao 2 de marzo. Un de dous vales de 50€ para comprar na praza entre todos os que se fagan fotos no photocall e as suban ás redes sociais etiquetando ó mercado e co hagstag #botallesalaoentroido
Outro para as compras de envío a domicilio: entre todos os que usen o servicio durante a campaña, sortéase un vale de 50€ para consumir na praza. Cada compra, un boleto de participación.
