Compostela, 19 de xaneiro do 2023 – A Secretaría Xeral de Política Lingüística colabora coa A Asociación Amigos de Otero Pedrayo na convocatoria do I Premio de oratoria en formato podcast.
O obxectivo de este galardón é promover a expresión correcta e as habilidades comunicativas mediante o cultivo da expresión oral e da oratoria. A primeria edición do premio “Ramón Otero Pedrayo” busca ademais impulsar as técnicas precisas para a sociedade dixital.
O certame, destinado a estudantes de 15 a 25 anos de idade, que cursen estudos de educación secundaria obrigatoria, bacharelato, graos universitarios ou mestrados, premiará podcasts e vídeos sobre temas ligados ao universo oteriano como o medio natural, o territorio, o patrimonio, a historia, a xeografía, a comunicación oral ou a tradición oral.
As pezas enviaranse ao correo asociacion.amigos.de.otero.pedrayo@gmail.com entre o 10 de febreiro e o 25 de xullo de 2023. As bases pódense atopar no seguinte enlace.
Os agasallos do I Premio de Oratoria serán para o gañador ordenador portátil achegado pola Secretaría Xeral de Política Lingüística e valorado en 2.000 € e 500 € en produtos Coren e outros 500 € en metálico, achegados por Coren.
O segundo premio constará de 500 € en produtos Coren achegados por esta empresa.
O terceiro premio está dotado con 250 € en produtos Coren achegados por esta empresa.
