A Pobra, 19 de maio do 2022 – A fin de semana na Pobra do Caramiñal acollerá a VIII Concentración Moteira SinFrenos, organizada polo motoclub do mesmo nome.
SinFrenos celebrarase estes vindeiros días 21 e 22 e na presentación participaron a concelleira dos Deportes, Genoveva Hermo; a técnica municipal desta área, Ana Romero; e Sonia Villar, José Manuel López e Juana Parada, presidenta e socios do club.
A apertura da VIII Concentración Moteira SinFrenos será ás 16.00 horas do sábado 21. Comezarase pola formalización de inscricións e exhibición de adestramentos da escola de pilotos Ikeric Racing.
Posteriormente, ás 18.00 horas, iniciarase unha ruta con parada no bar Olivo Blanco para uns petiscos. De volta, na praza Alcalde Segundo Durán comezará a actuación de Paxaradas, ás 19.30 horas, ademais duns xogos moteiros a partir das 20.00 horas.
Finalmente, a cea producirase no Centro Sociocomunitario, ás 22.00 horas, e a festa volverá á praza Alcalde Segundo Durán con Planet Disco Móvil a partir das 00.00 horas.
O 22 de maio realizarase o almorzo no Centro Sociocomunitario, ás 10.00 horas, para se botar novamente á estrada con dirección ao Restaurante Valverde, onde se ofrecerá un aperitivo, ás 12.00 horas; regresarase logo ao Centro Sociocomunitario para o xantar, ás 14.30 horas, así como para efectua-la entrega de trofeos e sorteo de agasallos.
Inscricións
As e os motoristas aínda están a tempo de se sumaren a esta cita mediante os teléfonos de contacto 636501322 e 616134404.
