Rois, 12/05/2026 – O Pleno do Concello de Rois celebrou o pleno ordinario o pasado venres con temas como a xestión do lixo ou o servizo de axuda no fogar na orde do día. O alcalde, Ramón Tojo, explicou que o Concello chegou a un acordo con FCC para que siga recollendo o lixo no municipio mentres se saca a licitación este contrato.
O grupo socialista preguntou cal pode ser a duración deste período transitorio unha vez que Rois abandonou a Mancomunidade Serra do Barbanza. Ramón Tojo explicou que o 31 de marzo remataron os tres meses de prórroga concedidos pola Mancomunidade, e que se chegou a un acordo con FCC para seguir recollendo o lixo, con algunhas melloras no servizo. A previsión e que non prazo dun ano se poida ter rematada a licitación da recollida do lixo. “Queremos rematar este proceso o antes posible”, afirmou o alcalde.
Os grupo socialista tamén se interesou en este pleno polo proceso de licitación do Servizo de Axuda no Fogar, que se iniciou no mes de decembro. Ramón Tojo explicou que na reunión celebrada pola mesa de contratación en febreiro excluíuse a unha das empresas que se presentaron por non cumprir os requisitos.
Nestes momentos, a mesa de contratación está a espera de recibir o informe técnico coa valoración da oferta económica da única empresa que opta a realizar o servizo. Se todo está correcto e a licitadora presenta a documentación necesaria, a estimación é que no prazo dun mes podería estar adxudicado o SAF. A licitación sacouse por un período de 2 anos coa opción de prórroga dunha anualidade.
O pleno aprobou tamén por unanimidade designar de novo a Rogelio Rivas Míguez como xuíz de paz titular substituto. Esta era a proposta do ditame da alcaldía cos argumentos de que leva exercendo o cargo nos últimos anos e coñece a comunidade veciñal.
