Teo, 30 de marzo do 2022 – O BNG de Teo trasladarña ao goberno municipal as demandas de seguridade viaria da veciñanza da Cascalleira en Calo.
As obras que se realizan na Nacional 550 están ocasionando molestias e inconvintes á veciñanza da Cascalleira. A redución da circulación a un único sentido e a alta densidade de tráfico converten nun risco o acceso a esta estrada.
A portavoz municipal, Patricia Castelao, xunto coa concelleira Carme Diéguez, reuníronse coa veciñanza da Cascalleira, en Calo, e comprometéronse a urxir ao goberno municipal para que tome medidas.
Moitas veciñas mostraron especial interese en trasladar a indignación pola imposibilidade de saír soas cos coches desde as súas vivendas a partir da execución das obras do concello cando antes podían acudir a distintas actividades de maneira independente. O estado en que queda a zona despois das obras restaralles, segundo denunciaron, autonomía e obrigaraas a reducir a súa vida social e a mobilidade.
O BNG, a través das súas concelleiras, comprometeuse a “reclamar unha solución inmediata antes de que rematen as obras”. Patricia Castelao destacou que “O benestar da veciñanza debe ser a sempre a prioridade e non imos tirar a toalla ata conseguilo”.
