Compostela, 03/07/2026 – Sempre hai moito que dicir arredor de Curtocircuíto. Cada edición ten momentos, proxeccións, concertos, charlas únicas e Pela del Álamo é responsable en boa parte do éxito de festival.
Co cambio de datas de Curtocircuíto o festival volveu a ser máis da xente, da que o seguía pero sobre todo da nova. Veciñanza que o mellor non entraban no Principal ou na Numax pero que si se quedan nunha praza ou nun xardín a ver e escoitar o que se lle ofrece.
A programación está xa en marcha, na web tedes toda a información así que esta conversa con Pela é máis emocional, sobre o que as veces está pero non se ve, Comezamos pois por ese cambio de datas que supuxo para Curtocircuíto, unha volta aos comezos aínda que con moito andado xa; os festivais son para o verán? Para o director o cambio supuxo tamén saír dun certo illamento.
Mudar de datas ten o seu custo, a loxística é moito máis complicada e os prezos de todo veñen subindo desde hai tempo. O cambio tamén axuda a cambiar a perspectiva e programar pensando no novo público ou nos novos espazos. Preguntamos a Pela pola dificultade para, despois de tanto tempo, manterse atento e non caer na repetición de estilos ou filmes que funcionaron, Como manterse orixinal sen perder a esencia de Curtocircuíto, el ten dúas normas moi claras.
A fórmula funciona. Cada ano as críticas son positivos e coa saída a rúa gañouse, e algúns casos, en espectadores. Del Álamo non ten a presión de estar na ola de actualidade, no mainstream, polo propio modelo de festival pero si hai unha ética de intentar chegar a todo o público posible.
Se queres escoitar a entrevista enteira, sen cortes, o podes facer en Bymeacoffe e de paso colaborar con Lindeiro convidándonos a un café. Coa túa axuda poderemos ter más contidos e máis convidados.
A viralización de Sirat e Oliver Laxe, ou éxito como prefire dicir Pela, obriga a preguntar por ese compoñente do festival. Por eses autores e esas películas que pasan por Curtocircuíto antes de converterse en ese mainstream que alimenta a unha parte da industria. O director do festival cre que a curto prazo se pode xogar a gañar pero a longo prazo o único que funciona é a orixinalidade.
Que por Curtocircuíto pasara xente como Oliver Laxe ou que o xurado estea Jaione Camborda é un exemplo da solidez da proposta de Curtocircuíto, da calidade que pasa por Compostela cada ano. Ao preguntar se o valoramos dabondo, Pela ten claro que non. En Galicia en xeral, e Compostela en particular, o talento valorase cando xa triunfou.
A recomendación de Pela del Álamo sempre é necesaria. Aposta polo audiovisual, polo directo, por eses encontros que reúnen aos de aquí e aos de fora, que serven para desfrutar de lugares especiais con actuacións especiais… momentos únicos que axudaron a converter a Curtocircuíto en algo máis que un festival de cine.
Falamos de moito máis con Pela, do papel do Cine Club Compostela, de esa cidade perdida nos oitenta que nos gustaría recuperar, do complicado de organizar un festival como Curtocircuíto nunha cidade en tempada alta. Coma sempre a visión do director é moi persoal e moi sensata.
