Compostela, 25/03/2026 – O pasado sábado tiña lugar o pregón da Semana santa de Santiago e este venres sairá a primeira das procesións, a da Virxe das Dores, polo que parécenos un bo momento para falar de estes actos.
Mentres que en Sagunto avívase a polémica pola prohibición ás mulleres de procesionar, en Compostela Elena Bernárdez é a presidenta da Xunta de Confrarías. Hai catro anos falabamos co anterior presidente José Ramón Muñiz nun momento no que se trataba de impulsar a Semana santa máis alá do estritamente relixioso e quixemos comprobar como avanzou esa intención.
A primeira pregunta para Elena Bernárdez ten que ver coa polémica que xorde en outras partes arredor da participación da muller. Aquí non se da e hai tempo que están integradas en todo o que ten que ver coa Semana Santa pero gustaríanos saber si a presidenta si é algo anecdótico ou a muller aporta algo distinto ao home. A resposta para Elena é que si pero non só na Semana Santa, en todos os ordes da vida.
Desde a sociedade está moi interiorizado que as confrarías forman parte da igrexa pero aínda que a liña que separa os dous ámbitos e moi fina existe.
Nos últimos anos o esforzo por difundir a Semana santa foi moi grande. Desde as institucións e desde a Xunta de Confrarías foise armando unha base que permite ofrecer a veciños e visitantes unha programación ampla que non se limita ás procesións.
Desde actividades como De Lugares e Órganos ata a publicación de guías moi completas que convidan a visitar as distintas igrexas ou acudir a outro tipo de eventos, a Semana Santa é xa unha oportunidade para coñecer a cidade desde outro punto de vista.
Elena explica que se mellorou en todo e que a Semana Santa abriuse á cidade e á veciñanza. Isto repercutiu tamén na implicación das confrarías e dos cofrades. O que falta como en outras moitas cousas son medios, son cartos.
Atopamos en Elena unha mensaxe similar a de outros sectores. A cidade precisa poñer en valor o máis local, no caso da Semana Santa todas as obras de arte que sae a rúa cada ano e que non son doadas de ver máis alá de eses momentos. A presidenta explica que temos que mostrar a nosa cultura, sexa do tipo que sexa e a Semana santa forma parte de ese todo.
A Semana Santa 2026 preséntase ben sempre que o tempo o permita. A diferencia de outros anos hai un plan b, explicado nos folletos, polo que se a procesión non pode saír haberá un acto no interior da igrexa.
Máis alá da fe de cada un a Semana Santa é unha mostra de arte, unha oportunidade para ver nas rúas de Compostela imaxes únicas nun escenario tamén único. Cando alguén di que irá a Sevilla en Semana Santa non se cuestiona; ao mesmo tempo aquí temos unha Semana Santa moito máis tranquila, se se quere moito máis barata, e non menos fermosa xa sexa desde un punto de vista artístico ou relixioso.
A recomendación e acudir a algunha das procesións, prioritariamente ás nocturnas, e vivir a cidade dun xeito que só sucede unha vez ao ano. Compostela ten de todo e Semana santa tamén.
