Compostela, 1 de outubro do 2018 – A Plataforma veciñal mina de Touro O Pino NON colocu este sábado dúas pancartas na praza de abastos de Compostela.
A narradora da manifestación do pasado 10 de xuño, a actriz Isabel Risco, volveu a colaborar en esta iniciativa. A Plataforma explica que manter a mobilización contra a mina de Touro tantos meses supón un esforzo que só é posible coa suma de moita xente que foi aportando o seu grao de area, na medida das súas posibilidades, e engaden que “A Praza de Abastos é para nós un lugar especial, ao que acudimos en distintas ocasións ao longo deste ano, con mesas informativas para facer chegar a cidadanía as verdadeiras dimensións do proxecto, a recoller firmas, a colocar a pancarta anunciando a manifestación do 10 de xuño…e sempre recibimos tanto da Dirección como dos placeiros e placeiras a mellor das acollidas. Por todo, por tanto queremos darlle as grazas”.
O colectivo explica que as pancartas recordan o que xa se leva feito e permiten “coller pulos para continuar”. Lembran que a día de hoxe 40 concellos e dúas Deputacións aprobaron mocións contrarias ao proxecto, que os informes sectoriais emitidos por departamentos da Xunta puxeron de manifesto as eivas, incongruencias e puntos escuros do proxecto, que o propio conselleiro de Economía e Industria, Francisco Conde, manifestou en xullo que “tal como estaba, o proxecto era inviable”pero engaden que “a pesares de todo, o rexeitamento definitivo por parte da Xunta aínda non chegou. Esa segue a ser, polo tanto, a nosa principal demanda”.
