Bisbarra, 25 de xaneiro do 2023 – O mercado de Padrón leva anos sendo o centro das críticas dos vendedores, da oposición e da veciñanza e segue sen un regulamento legal.
A estas críticas ha que sumar dous artigos da ordenanza que contradín a normativa autonómica. A posibilidade de transferir as licencias e a duración das mesmas son artigos que sitúan ao mercado de Padrón na alegalidade.
Pero a situación de caos non acaba aí. Os postos dun mercado están obrigados a ter a licencia á vista, cousa que non ocorre no de Padrón. No 2019 o concello deixaba de enviar á policía local e contrataba a unha empresa que se encargaría de recoller os datos dos postos, situalos nun mapa para que, posteriormente, se outorgaran as licencias. O contrato era por un ano pero o informe segue sen estar rematado.
A situación e que ninguén sabe si se está cobrando o canon aos postos; ninguén pode asegurar que os postos sexan legais e ninguén garante que o que usa o espazo tivera en algunha ocasión licencia. A maiores a empresa encargada de exercer o control non ten capacidade legal para impoñer sancións como si tería a policía local.
Ameazas, denuncias e escurantismo
En este mercado vende desde hai máis de trinta e cinco anos Francisco Romero. A súa loita contra a venda ilegal, en xeral, e contra o concello de Padrón, en particular, comezou hai anos e desde a Xunta de Galicia ata o Valedor do Pobo téñenlle dado a razón.
No último ano o tema complicouse aínda máis polos artigos que mencionamos ao principio do artigo. Por cuestións de saúde Romero viuse obrigado a transferir a licencia a súa muller nun primeiro momento. Ao ter ela tamén que coller unha baixa acabou transferindo a licencia a nome dunha empregada que ten contratada como fixa desde hai anos.
A ordenanza municipal impide as transferencias pero a autonómica, de rango superior, considera que é suficiente cunha comunicación ao concello tal e como nos explica Francisco Romero.
A empregada de Francisco Romero xa entregou a documentación necesaria en dúas ocasións pero segue sen recibir resposta. A lentitude da tramitación non é exclusiva de Padrón pero en casos como este os prexuízos son evidentes.
O vendedor conseguiu que o alcalde, Antonio Fernández, recoñecera que a transferencia era posible. Ao mesmo tempo envioulle unha carta na que di que as licencias son por un ano pero sen embargo a normativa da Xunta sitúa a duración en cinco anos.
En este punto Francisco Romero conseguira que o alcalde, por medio dun decreto, o autorizara a consultar toda a documentación sobre o mercado durante dez días en horario de 9 a dúas. Romero quería coñecer o contrato da empresa que realizaba o informe para saber en que punto estaba, si os prazos se cumprían e cando tería a licencia de forma correcta.
O concelleiro responsable da área, Javier Guillán, convocara a Romero para tratar o tema e este martes o vendedor acudiu coa intención de aclarar todo. A reunión non acabou de todo ben xa que o concelleiro negouse a dar copia do contrato coa empresa e presuntamente ameazou ao vendedor con levantarlle o posto do mercado. Cando Romero pediu que se lle dera por escrito esa presunta ameaza o concelleiro chamou á policía local para votalo
O vendedor acabou chamando a Grada Civil que acudiu ás portas do concello. Alí Francisco Romero explicoulle o que sucedera e hoxe ten a intención de interpoñer unha denuncia contra o concelleiro por ameazas.
Lindeiros consultou co concello para coñecer a súa versión. Segundo o concelleiro “Como en secretaría lle dixeron que o que el pedía non se podía facer, veu ao meu despacho cunha actitude pouco conciliadora. Despois dun tempo máis que prudencial, e tendo en conta o seu comportamento, seguindo indicacións de Secretaría chamamos á Policía Local para que o desaloxara do edificio”.
Desde o BNG a súa voceira, Beatriz Rei, explica que “non hai escusa para tratar así a ningún traballador, e menos ao representante de un sector que axuda a atraer visitantes todos os domingos a Padrón e a revitalizar polo menos un día a un concello, non podemos permitirnos que se siga deteriorando o mercado, e mantendo xa durante máis de 4 anos aos seus ocupantes na máis indigna inseguridade, xogando co seu pan”.
Rei anunciou que na cúa condición de concelleira vai solicitar os expedientes anteriormente negados e concluíu afirmando que “este xeito de actuar, se ben lle pode valer ao goberno para gañar tempo, son nefastos para a veciñanza de Padrón, que despois de ver como se gastaron aproximadamente 72000 euros nestes contratos, o problema sigue persistindo, a feira dominical en perigo, por iso, no próximo pleno solicitaremos explicacións e a asunción de responsabilidades por quen executa prácticas máis próximas ao caciquismo que se pretendía desterrar cas dun goberno responsable e transparente”.
