Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Xeral
  • Padrón

Padrón colabora coa FP Dual de Xardinaría e Floraría do IES Plurilingüe de Valga

Trátase da primeira administración que asina este tipo de acordo que permite que dous alumnos fagan prácticas no concello.

Alumnos traballando nos invernadoiros do concello de Padrón

Padrón, 27/05/2026 – O Concello de Padrón será a primeira entidade pública colaboradora da formación profesional dual co ciclo medio de Xardinaría e Floraría do IES Plurilingüe de Valga, permitindo que dous alumnos realicen a súa formación práctica nas instalacións e espazos verdes municipais.

Grazas a este acordo, os estudantes poderán combinar a aprendizaxe académica coa experiencia laboral real no propio Concello mediante un contrato formativo remunerado dentro do modelo de educación dual. O convenio terá unha duración de dous anos e desenvolverase en colaboración coa FEUGA, entidade encargada de colaborar na xestión deste modelo formativo.

Neste curso, o alumnado realizará catro meses de prácticas, permitindo unha formación progresiva e adaptada ás necesidades reais do traballo diario. A través deste acordo co IES Plurilingüe de Valga, o Concello aportará parte do salario correspondente aos contratos formativos dos dous alumnos, reforzando así o compromiso municipal coa creación de oportunidades laborais e coa formación práctica da mocidade.

Actualmente, o alumnado desenvolve a súa aprendizaxe práctica no Xardín Artístico Botánico de Padrón e no centro urbano da vila, participando en tarefas de mantemento e conservación baixo supervisión constante e nun proceso continuo de aprendizaxe.

Este traballo permite ampliar os seus coñecementos sobre identificación de plantas e poñer en práctica tarefas como replantacións, tratamentos fitosanitarios, poda, abonar ou cambios de especies segundo a tempada.

Dentro destas actuacións, os alumnos participaron xa na replantación de máis de 6.000 plantas no invernadoiro municipal, un espazo que desde o Concello definen tamén como “unha aula aberta dentro dun espazo vivo”, onde o alumnado pode aprender directamente sobre o terreo e en contacto diario coas distintas especies vexetais.

Desde o goberno local tamén poñen o foco na importancia da inclusión dentro da formación dual. Destacan que o alumnado participante pode abranguer diferentes idades, desde mozos e mozas de 17 anos ata persoas adultas que buscan unha nova oportunidade laboral ou continuar formándose. Deste xeito, a formación dual convértese tanto nunha porta de entrada ao primeiro emprego como nunha ferramenta de reciclaxe profesional e aprendizaxe continua.

En moitos casos, os centros educativos atopan dificultades para atopar empresas ou entidades que aposten por acoller alumnado dual con diferentes realidades educativas ou necesidades específicas. Neste sentido, o Concello de Padrón reivindica a necesidade de abrir oportunidades a todo o alumnado independentemente das súas circunstancias, apostando por un modelo máis integrador e máis próximo á realidade social actual.

“Non podemos falar de futuro sen falar de integración.

A sociedade está composta por moitas realidades distintas e as administracións públicas tamén teñen que ser exemplo na creación de oportunidades”, sinalan desde o executivo local. esde o Concello destacan a intención de continuar impulsando no futuro novas colaboracións coa ensinanza profesionalizante, abrindo vías de cooperación con outros centros educativos e programas de formación dual que permitan seguir xerando oportunidades para a mocidade e mellorando os servizos municipais. Unha aposta de futuro onde, ademais de plantar flores e coidar xardíns, tamén se cultivan oportunidades.

Post navigation

Previous: Deputación e Fundación RIA conectan cultura, deseño e territorio
Next: O primeiro desdobramento da autovía Brión Noia no 2027

Máis novas

Un momento do pleno de Brion no que se destinou un millón de euros ao pago de facturas
4 minutes read
  • Xeral

Brión rebaixa a taxa do lixo

Rois: aprobadas en pleno a renovación de ordenanzas fiscais
3 minutes read
  • Xeral

Rois actualiza licencias e cede xestión á Deputación

Concello de A Estrada_DSC9226 slide_r
3 minutes read
  • Xeral

Reclama que se respete na Estrada a Lei de Memoria Democrática

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.