O concello abre unha consulta cidadá para coñecer a opinión da veciñanza sobre a carreira de burros que anteriormente formaba parte das actividades do Santiaguiño do monte e que hoxe en día organízase ao marxe de esa celebración.
Padrón debate estes días sobre a clásica carreira de burros que por estas datas sempre se celebrou. Se fose unha carreira de cabalos nun espazo adecuado seguramente non habería debate así que non queda claro se a carreira en si ou a forma en que se fai, si é carreira ou espectáculo.
O concello encargou unha sondaxe a unha empresa independente especializada. O obxectivo coñecer realmente a dimensión das posicións ao respecto e adoptar decisións baseadas na vontade maioritaria da cidadanía. A enquisa inclúe preguntas sobre a percepción do maltrato animal, continuidade do evento e posibles localizacións
A edición deste ano terá lugar fóra da programación oficial das Festas do Santiaguiño do Monte. Neste caso, está organizada pola asociación ABUFA como un acto de homenaxe ao burro fariñeiro, unha figura ligada á historia e identidade galega.
A noticia do seu retorno provocou reaccións públicas contrapostas: mentres unha parte da veciñanza amosa o seu apoio á continuidade da celebración, algunhas voces manifestaron o seu rexeitamento. Entre estas últimas, o grupo municipal do BNG, que expresou a súa oposición ao evento e convocou unha concentración de protesta para as oito de esta tarde de xoves.
Neste contexto, e co obxectivo de rebaixar a tensión social e tomar decisións baseadas en datos sobre a vontade da cidadanía, o Concello de Padrón contrata os servizos dunha empresa independente especializada para realizar unha enquisa representativa que permita coñecer con rigor a opinión da veciñanza padronesa.
A enquisa, cuxos resultados serán públicos, recollerá cuestións como se a cidadanía considera que a carreira de burros constitúe ou non unha forma de maltrato animal, se está a favor ou en contra da súa continuidade e a preferencia sobre a localización da mesma se esta continúa celebrándose.
Unha vez analizados os datos, o Concello tomará unha decisión sobre a celebración desta actividade nas vindeiras edicións, baseándose nos datos recollidos.
Por outra banda, e coa intención de reforzar as garantías de benestar animal nesta edición organizada por ABUFA, o Concello contratará un veterinario independente que se sumará ao profesional xa disposto pola organización.
O Concello de Padrón reafirma así o seu compromiso cun modelo de xestión baseado no diálogo, a transparencia e a participación da veciñanza en asuntos de interese social e cultural para o municipio.
