Os veciños da aldea de Extramundi denuncian o constante paso de toxicómanos polo lugar para comprar droga sen que nin Garda Civil nin Policía Local fagan nada.
O consumo de drogas parece aumentar nos últimos tempos e, como consecuencia, os puntos de venda tamén crecen. Os veciños de Extramundi, en Padrón, levan tempo denunciando un punto de tráfico de estupefacientes na súa aldea.
Os veciños cos que puidemos falar en Lindeiros explican que é un problema que leva tempo pero que se ven acrecentando. Coa chegada do verán e o incremento de verbenas temen que o problema creza aínda máis.
Tiros ao aire na noite, constante paso de vehículos e toxicómanos, liortas… todo nunha aldea na que nos contan que hai moitos matrimonios novos con nenos pequenos. Cativos que “comezan a normalizar a venda de droga ao carón da casa, algo que non queremos que suceda” nos explican.
Os veciños quéixanse de que non poder deixar aos rapaces xogar pola aldea por medio a que alguén intoxicado poida facer algo polo estado no que se atope. Falaron coa Garda Civil pero os efectivos non son suficientes e a Policía Local pide que se denuncie pero tampouco se achegan o suficiente pola zona para exercer presión.
Coa chegada das Festas de Pascua os veciños temen que aquilo se converta nunha festa non desexada e un perigo para a aldea e os veciños. Esixen medidas e piden que se fale coa Delegación do Goberno si Garda Civil e Policía Local non son capaces de facer nada.
