займ срочно

Abel Caballero será pregoeiro das Festas de Pascua con enfado na oposición de Padrón

0

Bisbarra, 4 de marzo do 2024 – O alcalde de Padrón, Anxo Arca, anunciou que o pregoeiro das Festas de Pascua 2024 será o sempre controvertido alcalde de Vigo, Abel Caballero.

concello de Padrón

Arca o anunciou no pleno do pasado xoves. O concello de Padrón o confirmou nas redes sociais esta fin de semana aludindo a súa “traxectoria e compromiso no desenvolvemento na promoción de Galicia”. O comunicado da conta do concello de Padrón en Facebook destaca ademais que “foi quen de converter as Festas de Nadal en Vigo nun referente mundial”.

Abel Caballero e Doutor en Ciencias Económicas polas Universidades de Santiago e Cambridge e Catedrático de Teoría Económica en excedencia na Universidade de Vigo. Foi Ministro de Transportes con Felipe González, candidato á Xunta de Galicia no ano 1997, presidente da Autoridade Portuaria de Vigo e desde o 2007 alcalde da cidade.

Caballero dará o pregón o vindeiro 30 de marzo na Praza de Macías, a partir das nove da noite, comezando con este acto as Festas de Pascua de Padrón 2024.

Enfado do BNG

A voceira do BNG de Padrón, Beatriz Rei, considera o nomeamento de Abel Caballero como pregoeiro “unha falta de respecto á veciñanza e unha falta de decoro político”.  O BNg realizará unha proposta no pasado mes de decembro para que a pregoeira fora a Doutora Manuela Camino López, responsable da Unidade de Transplante Cardíaco Infantil no Hospital Gregorio Marañón e veciña da vila.

Beatriz Rei critica que o goberno local careza “de altura de miras e que sexa incapaz de aproveitar un evento de tanta transcendencia como o pregón das festas patronais para pór en valor o traballo e o labor social de veciñas como Manuela Camino e que prefira aproveitar ese momento para traer a Padrón a un compañeiro do partido para facer da lectura do pregón un acto partidista”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies