займ срочно

Os espectáculos taurinos en Padrón a debate no Parlamento de Galicia

0

Bisbarra, 21 de abril do 2023 – A asistencia de menores ao espectáculo taurino que tivo lugar na Pascua de Padrón motiva unha pregunta parlamentaria do BNG na Comisión de Xustiza.

Iria Carreira mostra imaxes do espectáculo con menores nas gradas

A deputada nacionalista Iria Carreira acusou á Xunta de  vulnerar  a lei por  permitir que menores de 12 anos asistiran ao espectáculo.  Carreira cualificou de “irrisoria” a multa de 300 euros á empresa organizadora e reprobou que a Xunta non cumpra a lei de protección de  menores.

A nacionalista do BNG lembrou que nun pleno do 2015  o BNG defendeu unha moción declarando que o Concello de Padrón é contrario á celebración de festexos taurinos e cominando ao concello a non participar, de maneira directa ou indirecta, neste tipo de festexos, ademais de non promover a súa celebración; un acordo aprobado por maioría absoluta.

Na programación das Festas de Pascua do ano 2022 volvían a ter presenza os espectáculos taurinos e volvían a acudir menores as gradas. Isto motivaba un expediente sancionador, por parte da Xunta de Galicia, á empresa organizadora que pechábase cunha multa de 300 euros.

Iria Carreira criticaba que un ano despois sucedera o mesmo e insistía na necesidade de poñer medidas preventivas

Pola súa banda o Director Xeral de Emerxencias da Xunta de Galicia, Santiago Villanueva, lembraba nas súas intervencións que as competencias no caso dos espectáculos taurinos eran do Goberno Central e que a Xunta no 2017 emitira un decreto que impedía a asistencia de menores. Confirmaba ademais que se abrira de nova un expediente sancionador que, previsiblemente, tería en conta a reincidencia

Share.

Comments are closed.