займ срочно

Una delegación padronesa viaxará ao Sáhara con axuda humanitaria

0

Bisbarra, 5 de decembro do 2023 – O Concello de Padrón recadou axuda humanitaria para a poboación saharauí, que lle será enviada nunha misión humanitaria na que participará a concelleira de Servizo Sociais, Xuventude e voluntariado, Mariló Saco.

O salón de plenos acolleu o acto de agradecemento a todas as empresas, aos centros educativos e aos particulares que contribuíron nesta doazón. O alcalde, Anxo Arca, xunto as concelleiras de Urbanismo, Ana Belén Castro; de Participación cidadá, Laura Horta; e de Servizos Sociais e voluntariado, Mariló Saco, amosaron a súa satisfacción pola gran resposta do tecido social da vila á hora de colaborar nesta importante iniciativa.

A delegación padronesa viaxará ao Sáhara desde hoxe ao 10 de decembro co obxectivo de brindar apoio ao pobo do Sáhara ante as necesidades críticas ás que se enfronta a rexión especialmente dende o Covid-19, cando moitos campamentos de refuxiados e refuxiadas perderon estrutura de axuda debido a pandemia e a imposibilidade de transporte.

Os colexios Flavia e Rosalía de Castro; as farmacias Nova e Baltar; a óptica Bragado; a zapatería Soletes; os Almacéns Eladio; Arañeira Informática; Berma Kiosko Patty; Librería Pensamentos; O Liño bordados; Peluquería Silvia’s Look; e moitos particulares colaboran co envío de material. O Concello lamenta que non se puidese facer un chamamento xeralizado por mor das restricións de espazo e de peso establecidas pola organización da misión humanitaria a cada delegación.

O envío inclúe subministracións esenciais nos que se integran alimentos non perecedoiros e artigos de primeira necesidade como leite para os máis pequenos ou material educativo e mesmo doces co obxectivo de aliviar as dificultades que enfronta a poboación saharauí. A situación de extrema gravidade que padecen os campamentos de refuxiados fixo especialmente necesario o envío de medicamentos tan básicos como os ibuprofenos dos que carecen os hospitais.

O envío de material reflicte o compromiso do goberno local de Padrón cos principios humanitarios e a solidariedade internacional. Ademais de proporcionar asistencia tanxible, a iniciativa busca tamén sensibilizar á veciñanza padronesa sobre a situación no Sáhara e fomentar o compromiso con causas solidarias.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies