Ames, 21 de setembro do 2018 – Un pequeno acto na Casa da Cultura de Bertamiráns serviu para visibilizar a integración de Pacto x Ames no Partido Popular 5 anos despois de deixalo por diferenzas, nunca concretadas, con Santiago Amor, por aquel entón alcalde.
Como abales da unión o secretario do PP, Miguel Tellado, e o presidente provincial Diego Calvo que recoñecía que se cometeron erros e que desde entón intentan solucionalos. Calvo considera ademais que o PP nunca deixou de ser a casa dos militantes de Pacto x Ames
A actual portavoz do PP no concello, Oliva Agra, recoñece que esta integración non foi doada e que tiveron que superar reticencias e conseguir unha confianza mutua
Ramón García fala nos mesmos termos de porque esta unión non se produciu antes, necesitaban tempo para comprobar que todo funcionaba
Na procura dun candidato
Moito menos doado e saber que será o candidato a alcaldía nas eleccións do 2019. Nos mentideiros de Ames todos dan por feito que será Ramón García Argibay pero os protagonistas non se mollan. Oliva Agra explica que xa se está co proceso e que no partido hai moitas persoas con capacidade para ser cabeza de lista
Ramón García di que unha vez que se resolvan os procesos internos habituais en este tipo de temas saberase quen é o candidato ou candidata
Pola súa banda Diego Calvo di con sorna que non se pode contar todo no mesmo día. Asegura que antes de 15 días presentaranse en conxunto os candidatos da comarca
A unificación era algo dado por feito por moitos veciños e, según se comentou tamén na presentación, algo demandado polos militantes. Nun escenario electoral que apunta de novo a que non haxa maiorías absolutas a suma de forzas pode inclinar a balanza. A valoración do conseguido polos conservadores de Ames será en 9 meses.
