Compostela, 15 e novembro do 2024 – O Outono Códax Festival é un festival para escoitar aos grandes e para descubrir artistas como os que hoxe chegan á Sala Riquela, os catláns Tiki Phantoms.
Despois de pasar por citas de renome como o FIB, Cruïlla, Low Cost ou o Sonorama. Este cuarteto de música surf instrumental chega a Compostela. Os Tiki Phantoms, ocultos tras unhas máscaras, fanse chamar El Dorado (guitarra solista), El Caníbal (guitarra rítmica), El Jíbaro (baixo) e El Bravo (batería) e levan trinta anos sobre os escenarios. As entradas para esta noite están a venda física en A Reixa-Matrioska ou online en ataquilla.com.
Shannon & The Clams o 21
O xoves 21 o Outono Códax ábrese para unha das citas especiais de este ano. Unha das bandas máis agardados polo festival, Shannon & The Clams. Unha banda californiana con influencias do garaxe rock, soul dos sesenta, doo wop e a primeira psicodelia apadriñada e producida por Dan Auerbach, vocalista e guitarrista de The Black Keys, grupo ao que acompañan nas súas xiras internacionais
Shannon & The Clams chegan a Santiago para pechar a súa xira europea, na que están a presentar o seu sétimo disco, The Moon Is In the Wrong Place, editado neste 2024, trala morte do prometido de Shannon Shaw nun accidente de coche, a poucas semanas da súa voda.
O concerto será na sala Capitol (Apertura de portas ás 20.30 h) e os encargados de abrilo serán Mambas Negras, quinteto formado por grandes músicos galegos cunha ampla traxectoria, como Óscar Avendaño (The Bo Derek’s, Siniestro Total), Andres Cunha (Siniestro Total) ou Toño López (The Soul Jacket).
