займ срочно

A USC colabora na reintegración do río Tines ao seu paso por Outes

0

Bisbarra, 4 de outubro do 2022 – A integración do río Tines ao seu paso polo concello de Outes é o obxectivo do proxecto Renatur no que colabora a Universidade de Santiago, USC.

A idea é desenvolver unha estratexia de reordenación e integración ambiental que recupere, e preserve, o curso fluvial. O proxecto está subvencionado pola Fundación Biodiversidade, do Ministerio para a Transición Ecolóxica e o Reto Demográfico. O proxecto desenvólvese ata finais de 2025 cun orzamento de case un millón de euros.

A coordinación corre a cargo do Centro de Estudios Euro-Rexionais de Galicia e Norte de Portugal (CEER). O concello de Outes contará ademais coa participación activa de persoal experto da USC, UDC e UVigo, así como coa Fundación Montescola.

A integración do Tines en Outes convertese nun proxecto único no que as tres universidades galegas colaboran cunha administración local. Desenvolveranse tamén actividades de fomento da biodiversidade asociada ao río como a xestión adaptativa de barreiras transversais, creación de illas de biodiversidade, asentamentos de coleópteros, ou propagación de fentos termófilos, entre outros.

Búscase renaturalizar o río e en ese sentido acometeranse tamén accións de recuperación de bosque de ribeira, eliminación de especies exóticas e invasoras ou limpezas da canle fluvial.

Incluirá accións de formación e divulgación á poboación da contorna, liderada pola Fundación CEER e o Concello de Outes. Outras de voluntariado ambiental e de participación pública da cidadanía como actividades de ciencia, de coñecemento do medio, rutas medioambientais, xornadas de plantación de bombas de biodiversidade, talleres con escolas, ou asembleas de información e participación pública, entre outros.

Dende a coordinación do proxecto salientan que “o río é de todos e todas e é bo que poidamos coñecelo, amalo e preservalo”.

Share.

Comments are closed.