Ames, 9 de xaneiro do 2019 – Segue o conflito entre o concello de Ames e a Policía Local agora pola organización e o traballo dos auxiliares na Cabalgata e Festa de Reis.
Os sindicatos CCOO e CSIF emitiron esta noite unha nota de prensa na que se mostran en contra das actuacións en materia de seguridade do goberno local. Según os representantes da Policía Local o alcalde decidiu, con motivo da Festa de Reis en Bertamiráns e Milladoiro, enviar a rúa a catro auxiliares contradicindo o criterio do oficial ao mando. Os sindicatos lembran ademais que ditos auxiliares só teñen corenta horas de formación.
No comunicado indican que a decisión tomada ” evidencia unha falta de previsión total en canto á seguridade do evento refírese, poñendo en perigo con iso a seguridade do tráfico, a integridade das persoas que se congregaron nas inmediacións do percorrido programado e recintos habilitados para a devandita celebración, e por último e non menos importante, aos auxiliares”. Os representantes sindicais indican que a decisión “oponse ao o estipulado na Lei 4/2007, onde se regulan e taxan as competencias dun auxiliar de Policía Local, cuxo labor, como reza o seu distintivo, é o de apoiar/auxiliar a un Policía Local, e en ningún caso a toma de decisións en canto á seguridade refírese, porque máis aló da boa vontade que poidan poñer, a súa formación non está enfocada a iso”.
A Policía Local tamén crítica que se puxera en mans do Concelleiro de Urbanismo, e xefe de Protección Civil, a coordinación do evento e “tutelando en todo momento aos auxiliares e os seus movementos sen o debido acompañamento policial”. CCOO e CESIF rematan a nota reservándose o dereito a levar a cabo tódalas medidas legais que consideren oportunas.
