Ordes, 7 de xuño do 2021 – As modificacións na Relación de Postos de Traballo aprobados no último pleno municipal discriminan a unha parte da plantilla do concello de Ordes
Os cambios supoñen a creación de novos postos, incrementos salariais en algúns casos e a intención de diminuír o soldo de outros o que suporía na práctica un agravio comparativo.
Roberto Tizón da CIG explica que o equipo de goberno decidiu seguir adiante con esta modificación da relación de Postos de Traballo de xeito unilateral, levantándose da mesa de negociación e aprobándoa no pleno grazas a súa maioría
Preguntado por si esta modificación discrimina a certos traballadores fronte a outros Tizón explica que a realidade é que os traballadores máis prexudicados son os posicionados do lado da CIG
Coa apertura do período de alegacións ábrese a posibilidade de reclamar popr esta vía a modificación. Tizón en calquera caso lembra tamén que para resolver estas situacións están tamén os xulgados
No concello de Ordes hai 30 funcionarios e 50 traballadores coa categoría de persoal laboral. Unha situación que se da en moitos concellos. Roberto Tizón explica que é unha consecuencia da falta da tasa de reposición e tamén do uso como medida de presión dunha situación laboral inestable
Nas vindeiras semanas coñecerase que medidas toma o sindicato e si o equipo de goberno de Ordes aplica as novas condicións ou agarda a resolver as posibles alegacións.
