Touro, 6 de setembro do 2021 – Os veciños da parroquia de Loxo viron nos últimos días como de xeito inusual mudaba a cor do río Pucheiras e aumentaba o seu caudal.
O río Pucheiras, nado no lugar de Zanca no monte Arinteiro, baixaba con augas claras e pouca auga como é habitual na época estival. O propio concello de Touro pedía aos veciños que moderaran o consumo de auga do abastecemento municipal pola seca. Na última semana sen que exista unha razón o río comezou a mudar de apariencia e aumentar o caudal. Presuntamente a mestura de cores cobrizos e brancos aluminoso, xunto co aumento de caudal, deberíase ao paso polos terreos mineiros onde se tería producido un verquido artificial. O Pucheiras ao discorrer por eses terreos entra en contacto coa balsa de Vieiro.
A Plataforma veciñal Mina Touro o Pino NON advirte ademais que o río vai dar ao Brandelos que é afluente directo do Ulla. Os cambios, explican, poden apreciarse seguindo o coñecido como “Camiño do Día Vinte”, una ruta histórica que une Touro e O Pino e a reapertura da mina podería destruír según o colectivo.
