Oroso investirá máis de 20.000 euros a través do Plan de Camiños
O Concello de Oroso vén de completar unha nova actuación de mellora da rede viaria na parroquia de Deixebre, concretamente no lugar da Baxoia, cun investimento de algo máis de 20.000 euros a través do Plan de Camiños.
A intervención permitiu renovar o firme nun tramo de 300 metros de vía, mellorando a seguridade e comodidade da circulación, así como as comunicacións internas da zona.
O alcalde de Oroso, Álex Doval, destacou que esta obra “responde a unha demanda da veciñanza e forma parte do compromiso do goberno local de seguir mellorando o rural, parroquia a parroquia, tras anos de abandono”.
Engadiu ademais que “seguiremos actuando en toda a rede viaria municipal, garantindo que cada investimento mellore a calidade de vida e a seguridade das persoas”.
