займ срочно

Oroso aprobará axudas á natalidade

0

Bisbarra. 24 de marzo do 2023 – O concello de Oroso ven de aprobar que a vindeira semana aprobará en pleno unha ordenanza que regule o reparto de axudas á natalidade.

imaxe do concello de Oroso

O alcalde de Oroso, Luís Rey, explica que  a concesión destas axudas á natalidade “basease no feito de que mentres no período 2010-2015 o promedio anual de nacementos rexistrados era de 80, no período 2016-2021 esa media baixou a só 58 nacementos”. 

Rey engade que “Sendo a reactivación da natalidade un beneficio para todos, esta medida de apoio pretende axudar aos pais a soportar as cargas que se ocasionan sobre todo nos primeiros meses de vida dun neno/a”. Subliñou ademais que as axudas poderán solicitalas tanto os proxenitores dos recén nados como os adoptantes de nenos/as menores de 3 anos de idade.

As axudas serán de 350 euros. O alcalde é consciente de que “ninguén vai tomar a decisión de ter ou adoptar un neno para recibir 350 euros, pero esta pequena achega tamén é un incentivo para que moitas familias que viven en Oroso e aínda non están censadas decidan empadroarse aquí”.

Luís Rey mostrouse tamén moi satisfeito porque, en contraposición coa dinámica de nacementos regresiva, a cifra de poboación oficial que vén de comunicar o Instituto Nacional de Estadística (INE), a día 1 de xaneiro de 2023, sitúa o número de habitantes en 7.620, é dicir, 48 máis ca os 7.572 confirmados a 1 de xaneiro de 2022.

Esta cifra, que aínda non é definitiva, sempre adoita ser menor que a resultante co cotexo do Padrón Municipal, polo que agárdase que o incremento poboacional poida ser aínda algo maior.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies