Bisbarra, 29 de novembro do 2024 – O Concello de Oroso aprobou en pleno os orzamentos municipais para o ano 2025, cun importe total de 8,3 millóns de euros.
Os orzamentos de Oroso se definen desde o goberno municipal como un “compromiso claro co benestar dos veciños e o impulso de infraestruturas e servizos no municipio. Este orzamento destaca pola súa visión estratéxica e polo gran esforzo inversor que se realizará”.
Oroso destina en este orzamento tres millóns de euros a investimento directo, sen contar con Plan de Obras da Deputación. Destacan os proxectos de humanización da Praza Isaac Díaz Pardo, cunha dotación de 700.000 euros, e a Remodelación da Avenida da Grabanxa, que contará cun orzamento de 900.000 euros.
Por outra banda o concello de Oroso destaca as aportacións da Xunta de Galicia e da Deputación para diversas actuacións no municipio, consolidando a cooperación institucional e o apoio ás iniciativas locais.
Os servizos sociais tamén terá un tratamento prioritario no orzamento de 2025, xa que por primeira vez se superará o millón de euros de investimento nesta partida. Oroso contempla o aumento do 22% no programa de alimentos para emerxencias sociais, que ascenderá a un total de 50.000 euros, mellorando a resposta a necesidades de carácter urxente.
No que respecta á presión fiscal, a eliminación da plusvalía non xerará subidas impositivas, agás o incremento na taxa de lixo, que responde a un imperativo legal por parte do Goberno de España. Así, o Concello manterá a carga fiscal sen alteracións importantes para os veciños.
Con respecto á planificación e organización, os orzamentos tamén teñen en conta a totalidade dos contratos dos servizos municipais, o que permitirá mellorar a súa xestión e asegurar que todas as partidas de investimento se destinan a proxectos que favorezan a sustentabilidade e o benestar das veciñas e veciños de Oroso.
Entre as obras previstas, tamén se inclúe o cambio de tapete no Estadio Lino Balado, así como a mantemento e mellora das vías e espazos principais do municipio, como parte do esforzo por manter un servizo público de calidade.
