займ срочно

A ampliación do polígono industrial de Oroso terá unha rotonda interior de acceso

0

Bisbarra, 6 de outubro do 2022 – O concello de Oroso negocia con Ministerio de Transportes, Mobilidade e Axenda Urbana un acceso alternativo para o futuro polígono San Martiño II.

O alcalde de Oroso, Luis Rey, e o senador Manuel Mirás mantiveron unha reunión en Madrid co director xeral de Estradas, Javier Herrero Lizano. A normativa actual impide a construción dunha rotonda convencional pola alta densidade de tráfico.

A solución na que se traballa é unha rotonda inferior, baixo a estrada N-550, que para o alcalde “aínda que sería máis custosa, contaría co visto bo da Dirección Xeral de Estradas e permitiría desbloquear o desenvolvemento do polígono industrial”.

Unha vez aprobada esta alternativa de conexión por parte do Ministerio xa só restaría, como último trámite administrativo, a aprobación da modificación puntual nº 7 do Plan Xeral de Ordenación Municipal (PXOM) por parte da Xunta de Galicia, o que permitiría comezar a urbanizar a primeira das tres fases en que está previsto o desenvolvemento do Polígono Industrial San Martiño II.

Luis Rey lembrou que na actualidade o Concello de Oroso ten operativos o Parque Empresarial de Sigüeiro, cunha superficie bruta de 395.124 metros cadrados e o Polígono Industrial de Oroso, con 53.845 metros cadrados, polo que o desenvolvemento de 445.004 metros cadrados do Polígono Industrial San Martiño II achegaría o municipio ao umbral do millóns de metros cadrados de superficie empresarial. 

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies