Ordes, 11 de setembro do 2017 – O corpo de Protección Civil dos concellos de Ordes e Frades vén de incrementar o seu equipamento de emerxencias cun todoterreo pick up.
O novo vehículo é unha dotación de Vicepresidencia e Consellería de Presidencia, Administracións Públicas e Xustiza, outorgado en base ás liñas de subvencións cofinanciadas polo Fondo Europeo de Desenvolvemento Rexional, dentro do marco do programa operativo Feder Galicia 2014-2020.
Deste xeito a agrupación de concellos formada por Ordes e Frades ve incrementada, e notablemente mellorada, a súa capacidade de reposta ante situacións de riscos específicos provocados por catástrofes ou situacións adversas.