Ordes, 30 de maio do 2022 – O concello de Ordes ven de formar un convenio de colaboración coa empresa Luckya polo que a casa de apostas financiará a zona xuvenil do Centro Isabel Zendal.
Desde o BNG de ordes considérase “inaudito” que se procuren 22.000 euros, para o mobiliario da zona xuvenil do Isabel Zendal, dunha casa de apostas. O Bloque di que esta actitude da mostra dunha “total incompetencia”.
O voceiro nacionalista Pablo Vidal di que “mentres a tendencia no resto do mundo é a de limitar a publicidade das casas de apostas, o PP de Ordes utilice as institucións públicas para branquear a súa imaxe”. Vidal considera lamentable que “O alcalde non sexa quen de procurar 22.000 euros para mercar mobiliario, nun presuposto municipal de case 11 millóns de euros e nun investimento de 1,9 millóns de euros dos remanentes de tesourería”.
A este respecto, Vidal exemplifica que “só con que o alcalde mantivese o salario do período 2015-2019 na vez de subilo dun xeito brutal, pasando dos 41.300 euros/ano aos 52.200 actuais, no presente mandato aforraríase un importe moi superior ao necesario para amoblar dita planta”.
O concello emitiu unha nota de prensa na que o alcalde, José Luís Martínez, compara a “valentía e solidariedade” de Isabel Zendal co “ADN de órdenes empresariales como la de los hermanos González Fuentes”. Estes empresarios son orixinarios de Ordes e propietarios da empresa Luckya.
Unha nota de prensa reforzada nas redes sociais do concello nas que se recibiron críticas a este acordo
