Ordes, 12 de xuño do 2019 – O Club de Patinaxe Galia vén de abrir a inscrición para asistir ao seu campamento de verán, que se desenvolverá do 1 ao 15 e do 16 ao 30 de xullo en Ordes, no pavillón Campomaior.
Poderán participar tanto membros do club Galia como calquera outro rapaz ou rapaza, de 3 a 17 anos, e xa está aberto o prazo de inscrición. As clases desenvolveranse de luns a venres de 10 a 14 horas. Daranse sesións de patinaxe, preparación física, danza, coreografía, traballos manuais e maquillaxe.
Para inscribirse ou solicitar calquera tipo de información pódese chamar ao teléfono 645871503 ou ben a través do correo electrónico clubpatinaxegalia@gmail.com. Cómpre lembrar que o número de prazas é limitado, polo que se aconsella tramitar a reserva o antes posible.
