займ срочно

Adxudícase a reforma do centro de saúde de Ordes

0

Bisbarra. 22 de marzo do 2023 – A reforma do centro de saúde de Ordes, que saía a licitación no mes de decembro pasado, ven de adxudicarse por un importe de 402.700 euros.

Centro de saúde de Ordes

A obra no centro de saúde vai máis alá dunha reforma xa que ampliará os servizos que ofrece na actualidade. Unha das melloras será a construción de cinco novas consultas, destinadas a saúde mental, grazas a cubrición da cuberta en terraza do PAC.

A obra permitirá crear espazos destinados a traballo social, dúas de psiquiatría, unha de enfermería e outra para psicoloxía. A zona contará ademais con novos aseos adaptados. Os materiais que se usarán na obra serán os mesmos que na actualidade polo que exteriormente mantense a imaxe do edificio. Interiormente os fluxos de circulación actuais conectaranse coa nova zona.

Esta ampliación súmase a recente reparación das fiestras, deteriorado a causa da corrosión. Ademais xa está previsto substituír o alumeado por LED e modificar a instalación eléctrica para instalar un grupo electróxeno que de servizo a distintas áreas en caso de necesidade.

 O investimento forma parte dos fondos destinados ao Plan de Saúde Mental de Galicia aprobado pola Xunta para o período 2020-2024. Unha partida orzamentaria de 83 millóns de euros que prevé a incorporación de 241 novos profesionais, dos que están xa contratados 125.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies