O Obradoiro CAB cumpre este ano 45 anos pero tamén cumpre cinco na ACB, quen nos pode axudar en esta reportaxe e falar das dúas cousas é o adestrador Moncho Fernández que comezou acudindo ao antigo pavillón e acabou no posto que agora ocupa. Comezamos preguntado por iso e polo importante que é este momento.
“Un club que cumpre 45 anos, que competirá por quinto ano consecutivo na liga Endesa, son motivos para a celebración. Falabamos de que o obxetivo era manterse, que o Obra non fora un equipo “ascensor”, que se asentara ma liga e formara parte da paisaxe do mellor Basket do estado, estaos no camiño e ogalla que os que estamos a formar parte de isto non esquezamos o que está pasando porque é algo francamente difícil”.
O equipo converteuse en estes anos nun equipo sólido que se mantén na ACB por dereito propio, en moitos casos a xogadores que despois despuntan en outros sitios, cal é a fórmula?
“O que é importante e ter unha filosofía e uns principios, en ese aspecto tódolos que formamos parte do Club, desde o corpo técnico ata a administración ou dirección deportiva, comulgamos cos mesmos valores e iso e bo porque establece claramente os perfís de xogadores que queremos. Por outra banda non podes pelexar contra a realidade, o noso orzamento é un dos máis baixos da liga así que o que facemos é poñer en valor as cousas que son boas; para os xogadores? dicímoslles -vinde aquí, imos axudarvos a desenrolar a vosa carreira e vos axudarnos a acadar os nosos obxetivos – que o Obradoiro é un equipo trampolín? pois perfecto porque iso fai que xogadores con calidade que despois irán a equipos mais grandes, incluso a NBA, virán aqui a xogar e iso é co que podemos competir”.
Celebrar un aniversario ou a actual situación do equipo era algo desexado pero tamén merecido
“Cando chegamos era o corenta aniversario e a premura por facer un proxecto deportivo ocultou un pouco todo aquilo. Creo que este ano con máis tempo todo o que esta a facer o club e moi bo, é importante non esquecer que para chegar aqui antes houbo o traballo de moitos. Gústame dicirlle aos xogadores que o Obradoiro non é noso que nolo prestaron durante un tempo”.
Os medios fai tempo que lle chaman a Moncho o alquimista polo xeito que ten de extraer o mellor de todo o mundo, falando con el un decátase de que ademais ten algo de meigo.
